اقش بيلىگى: باشار اساد تاعى دا حيميالىق شابۋىلعا دايىندالىپ وتىر

ۋاشنيگتون جاعى مالىمدەمە جاريالاپ، باشار اسادتىڭ جاڭا حيميالىق شابۋىلعا دايىندالىپ جاتقانىن، ەگەر بۇل شابۋىل جۇزەگە اساتىن بولسا سۇريالىق ديكتاتور ءۇشىن بۇل قادامىنىڭ تولەمى اۋىر بولاتىنىن ەسكەرتتى. بۇل تۋرالى BBC اقپارات قىزمەتى حابارلاپ وتىر.

اقۇي تاراتقان مالىمەتتە: «وسىعان دەيىن ايتىپ كەلدىك، اقش اسكەرلەرى ءسۇريادا «يسلام مەملەكەتى» تەررورلىق ۇيىمىن جويۋ ءۇشىن تۇرىپ كەلەدى. بىراق، باشار اساد تاعىدا حيميالىق قارۋ قولدانىپ، قىرعىنشىلىق جاسايتىن بولسا، ونىڭ بۇل قادامىنا بەرەتىن تولەمى وتە اۋىر بولادى»، – دەپ ەسكەرتتى. سونىمەن بىرگە، اقۇي مالىمدەمەسىندە جاڭا حيميالىق شابۋىل زور كولەمدى قىرعىنشىلىق تۋدىرىپ، جازىقسىز بۇقارالار، ونىڭ ىشىندە ايەلدەر مەن بالالار جاپا شەككەلى تۇر دەدى.

ءسۇريانىڭ يدليب ايماعىندا 4 ءساۋىر كۇنى بولعان حيميالىق شابۋىلدان 87 ادام قازا بولعان ەدى. ونىڭ ىشىندە ايەلدەر مەن بالالار دا بار. باتىس ەلدەرى باشار اساد بيلىگى قىرعىنداعىش قارۋ قولدانىپ، جازىقسىز بۇقارعا كۇش كورسەتتى دەپ ايىپتاعان بولاتىن. الايدا، ءسۇريا بيلىگى بۇل جاۋاپكەرشىلىكتى ۇستىنە المايتىنىن ايتقان. رەسمي بيلىك سۇرياداعى وپپوزيتسيا نەمەسە لاڭكەستىك توپتاردىڭ ارانداتۋى دەپ تە كورسەتكەن.

“The Qazaq Times”