اقش قىتايدىڭ قولىمەن وت كوسەمەك پە؟

اقش مەملەكەتتىك حاتشىسى رەكس تيللەرسون، قورعانىس ءمينيسترى جەميس مەتتيس جانە قىتاي سىرتقى ىستەر ءمينيسترى يان جيەچي مەن باس شتاب توراعاسى فاڭ فىنحۋي قاتارلى اقش پەن قىتايدىڭ جوعارى لاۋازىمدىلارى ديپلوماتيالىق كەڭەس وتكىزدى. وتىرىستا سولتۇستىك كورەيا يادرولىق باعدارلاماسىن جانە بالليستيكالىق زىمىران سىناقتارىن كەڭەيتۋ ءىسىن تەجەۋدى باستى تاقىرىپ ەتىپ كوتەردى. بۇل تۋرالى «تۇرىك تەلە-راديو» قىزمەتىنىڭ سايتىندا جازىلعان.

كەزدەسۋ وتىرىسىنان كەيىن اقش لاۋازىمدىلارى بىرلەسكەن ءباسپاسوز ءماسليحاتىن وتكىزدى. وندا كورەي تۇبەگى ماسەلەسىن ءورشىتىپ وتىرعان ەڭ نەگىزگى قايشىلىق سولتۇستىك كورەيانىڭ بالليستيكالىق زىمىران سىناقتارى دەپ ايىپتادى. ءوڭىردىڭ تىنىشتىعى مەن تۇراقتىلىعىن ساقتاۋ ءۇشىن سولتۇستىك كورەيامەن تىعىز بايلانىستا بولعان قىتايدىڭ جاۋاپكەرشىلىگىنىڭ كۇشتى ەكەنى ايتىلدى.

رەكس تيللەرسون سوزىندە: «ايماقتاعى داعدارىستى شەشۋ ءۇشىن قىتاي سولتۇستىك كورەياعا ەكونوميكالىق جانە ديپلوماتيالىق قىسىم ءتۇسىرۋى كەرەك»، – دەدى. ول كحدر-نىڭ بۇۇ كەلىسىمدەرىنە قايشى بالليستيكالىق زىمىران سىناقتارىن جاساپ وتىرعانىن قايتالاي ايىپتاي كەتتى. كەزەكتى ءباسپاسوز كونفەرەنتسياسىندا اقش پرەزيدەنتى دونالد ترامپتىڭ قىتايعا ساپارلاي باراتىنىن دا ايتتى.

“The Qazaq Times”