فوتو: ۆۆس

«يسلام مەملەكەتى» لاڭكەستىك ۇيىمى يراكتىڭ موسۋل قالاسىنداعى ورتالىق مەشىتىن جارىپ جىبەردى دەپ حابارلايدى ۆۆس اقپارات قىزمەتى.

يراك اسكەريلەرىنىڭ مالىمەتىنشە، «يسلام مەملەكەتى» سودىرلارى موسۋل قالاسىنداعى تاريحي ماڭىزعا يە ان-نۋري مەشىتىن جارىپ جىبەرگەن.

جارىلىستان كەيىن ان-نۋري مەشىتىنىڭ قيراندىلارى.

«يسلام مەملەكەتى» لاڭكەستىك ۇيىمى ءوزىنىڭ اماك اقپارات اگەنتتىگى ارقىلى مەشىتتى اقش اسكەري اۋە كۇشتەرى بومبىلاعانىن حابارلاعان.

يراك پرەمەر-ءمينيسترى حايدار ءال-ابادي "ان-نۋري مەشىتىنىڭ جارىلۋى «يسلام مەملەكەتى» لاڭكەستىك ۇيىمىنىڭ جەڭىلگەندىگىنىڭ بەلگىسى" دەپ  ايتقان. سەبەبى وسىدان ءۇش جىل بۇرىن «يسلام مەملەكەتى» ءدال وسى مەشىت ىشىندە حاليفات قۇراتىنى جايىندا مالىمدەمە جاساعان بولاتىن.

ان-نۋري مەشىتىن موسۋل قالاسىندا ءحىى عاسىردا ياعني 1172 جىلى سالىنعان. ان-نۋري موسۋل سۇنيتتەرىنىڭ باستى مەشىتى بولىپ سانالادى.

“The Qazaq Times”