Фото: ВВС

«Ислам мемлекеті» лаңкестік ұйымы Ирактың Мосул қаласындағы орталық мешітін жарып жіберді деп хабарлайды ВВС ақпарат қызметі.

Ирак әскерилерінің мәліметінше, «Ислам мемлекеті» содырлары Мосул қаласындағы тарихи маңызға ие ан-Нури мешітін жарып жіберген.

Жарылыстан кейін ан-Нури мешітінің қирандылары.

«Ислам мемлекеті» лаңкестік ұйымы өзінің Амак ақпарат агенттігі арқылы мешітті АҚШ әскери әуе күштері бомбылағанын хабарлаған.

Ирак премьер-министрі Хайдар әл-Абади "ан-Нури мешітінің жарылуы «Ислам мемлекеті» лаңкестік ұйымының жеңілгендігінің белгісі" деп  айтқан. Себебі осыдан үш жыл бұрын «Ислам мемлекеті» дәл осы мешіт ішінде халифат құратыны жайында мәлімдеме жасаған болатын.

ан-Нури мешітін Мосул қаласында ХІІ ғасырда яғни 1172 жылы салынған. ан-Нури Мосул сүниттерінің басты мешіті болып саналады.

“The Qazaq Times”