فوتو: kursiv.kz

2017 جىلعى 1 ماۋسىمداعى جاعداي بويىنشا «Delta Bank» اق جەكە تۇلعالاردان قابىلدانعان دەپوزيتتەرىنىڭ كولەمى 0,3 ملرد تەڭگەنى، زاڭدى تۇلعالاردىڭ دەپوزيتتەرى 87,9 ملرد تەڭگەنى قۇرايدى. بانكتىڭ دەپوزيتتىك پورتفەلىنىڭ ۇلەسى بانك جۇيەسى دەپوزيتتەرىنىڭ جيىنتىق كولەمىنىڭ 0,5%-ىن قۇرايدى. بۇل تۋرالى ۇلتتىق بانكتىڭ ءباسپاسوز قىزمەتى حابارلادى. 

سونداي-اق، ۇلتتىق بانك 2017 جىلعى 19 ماۋسىمداعى №103 قاۋلىسىنا سايكەس، 2017 جىلعى 21 ماۋسىمنان باستاپ 2017 جىلعى 3 تامىزعا دەيىن «Delta Bank» اق-تىڭ جەكە جانە زاڭدى تۇلعالاردىڭ دەپوزيتتەرىن قابىلداۋعا، جەكە جانە زاڭدى تۇلعالاردىڭ بانك شوتتارىن اشۋعا ليتسەنزياسىن توقتاتتى.

بۇل شەشىمدى ۇلتتىق بانك بانكتىڭ بانكتىك زاڭناما تالاپتارىن جەكەلەگەن
بۇزۋشىلىقتارىنا قاداعالاۋشىلىق رەتتەۋ جانە «قازاقستان رەسپۋبليكاسىنداعى بانكتەر جانە بانك قىزمەتى تۋرالى» قازاقستان رەسپۋبليكاسى زاڭى 48-بابىنىڭ 1-تارماعى ۆ) جانە
گ) تارماقشالارىندا كوزدەلگەن نەگىزدەر بويىنشا قابىلدادى.

ليتسەنزيا جاڭا دەپوزيتتەردى تارتۋعا جانە جەكە جانە زاڭدى تۇلعالاردىڭ جاڭا بانك شوتتارىن اشۋعا قاتىستى توقتاتىلا تۇرادى جانە بانكتىڭ قولدانىستاعى دەپوزيتتەرى مەن كليەنتتەرىنە قىزمەت كورسەتۋگە قاتىسى جوق.

“The Qazaq Times”