ترامپتىڭ قىزى جانە كۇيەۋ بالاسى. فوتو: BBC.

اقش پرەزيدەنتى دونالد ترامپتىڭ جوعارى كەڭەسشىسى ءارى كۇيەۋ بالاسى جارەد كۋشنەر وسى اپتادا تاياۋ شىعىستا مەملەكەتتىك ساپاردا بولادى. بۇل تۋرالى «تۇرىك تەلە-راديو» قىزمەتىنىڭ رەسمي سايتى حابارلاپ وتىر.

اقۇيدىڭ رەسمي مالىمدەمەشىسى شون سپايسەر كەزەكتى ءباسپاسوز ءماسليحاتىندا كۋشنەر ساپارى تۋرالى راستادى. ساپاردىڭ باستى ماقساتى تاياۋ-شىعىسپەن امەريكا قۇراما شتاتىنىڭ جاڭا قاتىناسىن بەكەمدەۋگە باعىتتالاتىنىن ايتتى.

ترامپتىڭ كۇيەۋ بالاسى ءوز ساپارى بارىسىندا يزرايل پرەمەر-ءمينيسترى بەنيامين نەتانياحۋعا جانە پالەستينا باسشىسى ماحمۇد ابباسپەن كەزدەسپەك.

كۋشنەر ساپارىنىڭ ناقتى ماقساتى انىق ايتىلماعانىمەن، اقش-تىڭ يزرايلدەگى باس ەلشىلىگىنىڭ يەرۋساليمگە كوشىرىلۋى ءىسى تۋرالى وزگەرىستەرگە اسەر ەتۋى مۇمكىن. ەگەر يەرۋساليم قالاسىنا اقش ەلشىلىگى ورنالاساتىن بولسا، وندا قۇراما شتات بۇل قالانى ءيزرايلدىڭ استاناسى دەپ مويىندايتىنىن بىلدىرەدى.

“The Qazaq Times”