يراننىڭ داش ۇيىمىنا باعىتتاعان زىمىرانى. فوتو: پارس.اقپارات.

يران قورعانىس كۇشتەرىنىڭ دۇيسەنبى كۇنى كەشتە جاريالاعان مالىمەتى بويىنشا، يران «ساقشىلار كورپۋسىنىڭ» دايش كۇشتەرىنە باعىتتاعان زىمىرانىنان 50-دەن اسا لاڭكەستىڭ ولگەنى ءمالىم بولدى. وقيعا ءسۇريانىڭ شىعىسىنداعى ءال-مەيادين قالاسىندا بولعان. بۇل تۋرالى سول ەلدىڭ «پارس.اقپارات» اگەنتتىگى حابارلاپ وتىر.

يراننىڭ «ءال-ءالام» حالىقارالىق تەلەۆيزياسى تاراتقان حاباردا شابۋىلدا ولگەن لاڭكەستەردىڭ التاۋى ليۆيالىق بولىپ شىقتى. ولگەندەر اراسىندا ۇيىمنىڭ ماڭىزدى اتاماندارى دا بار دەلىنگەن. ايتالىق، «ابۋ وسەم ءال-ليبي» نەمەسە «ابۋ حارەس» اتىمەن تانىمال بولعان ابدولقادەر ءال-فيراني ەسىمدى لاڭكەستەردىڭ باسشىسى دا بار. يران اسكەريلەرىنىڭ مالىمەتى بويىنشا شابۋىلدا دايش باسشىسىنىڭ كۇيەۋ بالاسى دا كوز جۇمعان.

وسىعان دەيىن يران «ساقشىلار كورپۋسى» ءسۇريانىڭ شىعىسىنداعى دەير ءاز-زور ايماعىنا باعىتتاپ التى زىمىران اتقان. الايدا، الدىڭعى بەس زىمىراننان بولعان شىعىندار تۋرالى تولىقتاي مالىمەت بەرىلمەگەن.

“The Qazaq Times”