19 ماۋسىم ساعات 00:00  ساۋد ارابياسى، باحرەين جانە ءباا قاتارلى ءۇش ەلدىڭ كاتارداعى ازاماتتارىنا ەلگە ورالۋ ءۇشىن بەرگەن ۋاقىتى اياقتالدى.

5 ماۋسىم كۇنى ساۋد ارابياسى باستاعان ەلدەر كاتارمەن بارلىق ديپلوماتيالىق قارىم-قاتىناستارىن ءۇزىپ، كاتارداعى ءوز ازاماتتارىنا 14 كۇن ىشىندە ەلىنە ورالۋدى تالاپ ەتتى. سونداي-اق، ءۇش ەلدەگى كاتار ازاماتتارىنان دا وسى مەرزىم ىشىندە ەل شەكاراسىنان شىعىپ كەتۋىن تالاپ ەتكەن.

ازىرگە دەيىن كاتار مەن ساۋد ارابياسى باستاعان ەلدەردىڭ قانشا ازاماتى ءوز ەلىنە ورالعانى تۋرالى انىق مالىمەت جوق. بۇل شەكتى ۋاقىت جاريالانعان كەزدە كاتاردىڭ  ادام قۇقىقتارى ۇلتتىق كوميتەتى بەرگەن مالىمەتىندە ساۋد ارابياسى، بىرىككەن اراب امىرلىگى جانە باحرەين ەلدەرىنىڭ 11 مىڭ 387 ازاماتى بار ەكەنى ايتىلدى. ال، ۇش ەلدە كاتاردىڭ  1927 ازاماتى بار دەلىنگەن.

“The Qazaq Times”