استانادا كاسىپتىك ماماندىقتار وقىتىلىپ، ستيپەنديا بەرىلەدى

استانا قالاسى اكىمدىگىنىڭ حالىقتى جۇمىسپەن قامتۋ ورتالىعى ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان باعدارلاماسىن جۇزەگە اسىرۋ ارقىلى سۇرانىسقا يە ماماندىقتار بويىنشا قىسقا مەرزىمدى كاسىپتىك وقىتۋدى باستايدى. ەندى توپتاردى قۇرۋ ءۇشىن قوسىمشا جازىلۋ جۇرگىزىپ جاتىر. 

ولار تىگىنشى، اسپاز، ناۋبايشى، داياشى،ەلەكترومونتەر، ساندىق، كومپيۋتەرلىك ساۋاتتىلىق داعدىلارى بويىنشا ءبىلىم الادى. سونىمەن قاتار، مەكتەپكە دەيىنگى ۇيىمداردىڭ تاربيەشىسى (مىندەتتى تۇردە پەداگوگيكالىق ءبىلىمى بار بولۋى كەرەك), باقىلاۋشى-كاسسير، ساۋداداعى مەنەدجەر، تىگىنشى، اعىلشىن تىلىنە دە وقىتۋ جۇرگىزىلۋدە.

باعدارلاماعا قاتىسۋشىلار تەگىن وقىتىلادى ءارى 16 759 تەڭگە كولەمىندەگى ستيپەنديامەن قامتاماسىز ەتىلەدى، وزگە قالالىقتارعا تۇرعىن ءۇيدى جالعا الۋعا كەتكەن شىعىندى وتەۋ قاراستىرىلعان. وقۋ مەرزىمى 1 – 3 اي.

وقۋدى ءساتتى اياقتاعاننان كەيىن بىلىكتىلىكتى يەلەنۋى جايلى كۋالىك بەرىلەدى جانە العان ماماندىعى بويىنشا جۇمىسقا ورنالاسۋعا كومەك كورسەتىلەدى.

“The Qazaq Times”