پورتۋگالياداعى ءورت اپاتى. فوتو: Business Line.

پورتۋگاليانىڭ پەدروگاو گراندە (Pedrogao Grande) ايماعىندا ەكى كۇننەن بەرى ورمان ورتىنەن 62 ادام قازا بولدى، دەپ حابارلاپ وتىر «تۇرىك تەلە-راديو» قىزمەتىنىڭ رەسمي سايتى.

اپات بولعان ايماققا ارنايى بارعان سول ەلدىڭ ءىىد مالىمدەمەشىسى جورگە گومەس 59 ادامنىڭ ءتۇرلى جاراقات العانىن مالىمدەپ وتىر. 4 ءورت ءسوندىرۋشى مەن بىرگە 14 ادامنىڭ اۋىرۋحاناعا جەتكىزىلگەنىن، ونىڭ اراسىندا 5 ادامنىڭ جاعدايى تىم اۋىر ەكەنىن جەتكىزدى. جارالىلاردىڭ كوبى ورمان ءورتىنىڭ اراسىندا كولىكتەرىمەن قالىپ كەتكەن.

اپتاپ ىستىق پەن جەل ءورتتىڭ ورمان الابىنان ەلدى مەكەندەرگە دەيىن تارالۋىن تەزدەتكەن. ازىرگە ءورتتىڭ شىعۋ سەبەبى انىق ەمەس. 500-دەن اسا ءورت ءسوندىرۋشى جۇمىلدىرىلعان اپاتتى جاعداي ءالى دە تىزگىندەلمەي وتىر. پورتۋگاليانىڭ ۇكىمەت تاراپى جانە كورشىلەس فرانتسيا مەن يسپانيا ءورت ءسوندىرۋ ۇشاقتارىن جىبەرگەن. پورتۋگاليانىڭ ەل كولەمىندە 24 ساعات ىشىندە 156 جەردە ءورت شىققان. اپاتتى جاعدايدا قۇربان بولعاندار ءۇشىن 3 كۇن ازا تۇتۋ بەلگىلەنگەن.

“The Qazaq Times”