فوتو: Archrevue.ru

Viessmann نەمىس كومپانياسى جىلۋدى، توڭازىتقىش جانە وندىرىستىك جۇيەلەردى ءوندىرۋ جانە دامىتۋ سالاسىنداعى الەمدىك كوشباسشىلاردىڭ ءبىرى «ۇزدىك ەنەرگەتيكالىق پراكتيكا» پاۆيلونىنىڭ ستەندىندە ءوزىنىڭ وزىق تەحنولوگيالارىن كورسەتۋ ءۇشىن ەنەرگەتيكا سالاسىنىڭ جەتەكشى ساراپشىلارىمەن تاڭدالدى. كومپانيانىڭ ەنەرگەتيكالىق سەكتوردا ءجۇز جىلدىق تاجىريبەسى بولا تۇرا Viessmann ءاردايىم يننوۆاتسيالىق شەشىمدەردى ۇسىنادى جانە ەكسپو-2017 كورمەسىندە ءۇش بىرەگەي تەحنولوگيانى ۇسىنباق: Ice Storage جۇيەسى ء(تيىمدى جىلىتۋ جۇيەسى جانە مۇزدىڭ كومەگىمەن سالقىنداتۋ), power-to-gas تەحنولوگياسى (ارتىق ەنەرگيامەن مەن تابيعي گازدى تۇرلەندىرۋدىڭ يننوۆاتسيالىق ءادىسى) جانە جىلۋ ۇياشىقتارى (Fuel Cell) – ورتالىق جەلىلەرگە تاۋەلسىز ەلەكتر جانە جىلۋ ەنەرگياسىن ءوندىرۋ تەحنولوگياسى).

Viessmann جاڭارتىلاتىن ەنەرگيا كوزدەرىندەگى ەنەرگيانى ۇنەمدەۋ جانە قازبا وتىن كوزدەرىن اۋىستىرۋ قاعيداتتارىن باسشىلىققا الادى، سوندىقتان دا كومپانيانىڭ جاڭا تەحنولوگيالارى ەكولوگيالىق ۇيلەسىمدىلىكتى ەسكەرە وتىرىپ ازىرلەندى. وسىلايشا Ice Storage يننوۆاتسيالىق جۇيەسى كۇن، اۋا جانە جەر جىلۋى سياقتى ءۇش جاڭارتىلاتىن ەنەرگيا كوزىن ءبىر مەزگىلدە پايدالانادى. ەلەستەتىپ كورىڭىز: جازدا جيناقتالعان جىلۋدى قىستا پايدالانۋ ءۇشىن ساقتاۋعا بولادى! جانە كەرىسىنشە، مۇزدىڭ كريستالدانۋ ەنەرگياسىن سۋىق مەزگىلدە قىزدىرۋعا بولادى. ارنايى مۇز قويماسىندا عيماراتتى جىلىتۋ جانە سالقىنداتۋ ءۇشىن ەنەرگياعا تۇرلەنەتىن سۋدىڭ تابيعي قاتۋى مەن ەرۋى پروتسەستەرى ورىن الىپ جاتادى. بۇل قورشاعان ورتا ءۇشىن مۇلدەم زيانسىز، ول جاپپاي جانە ەڭ باستىسى – ارزان رەسۋرس رەتىندەگى كادىمگى سۋ قۇبىرىنىڭ سۋى بارىنشا ءتيىمدى قولدانىلادى.

Viessmann ستەندىندە كورۋگە بولاتىن تاعى دا ءبىر جوعارعى ەكولوگيالىق تەحنولوگيا – power-to-gas. تەحنولوگيانىڭ ءمانى مىنادا: جاڭارتىلاتىن ەنەرگيا كوزدەرىنەن الىناتىن ارتىق ەلەكتر ەنەرگياسى سۋتەگىن الۋعا، سودان كەيىن مەتاندى گەنەراتسيالاۋ ءۇشىن پايدالانىلادى. وسىنداي جولمەن الىنعان گازدى ودان ءارى وڭدەمەي-اق قولدانىستاعى گاز ورتاسىندا قولدانۋعا، سونداي-اق ۇلكەن كولەمدە جانە ۇزاق ۋاقىت بويى ساقتاۋعا بولادى.

“The Qazaq Times”