پۋتين: اقش شەشەنستان لاڭكەستەرىن قولداپ، رەسەيدىڭ بىرلىگىن بۇلدىرمەك

رەسەي پرەزيدەنتى ۆلاديمير پۋتين ۋشينگتوندى رەسەي جەرىندەگى تەررورلىق توپتاردى قولداپ، رەسەي بىرلىگىن ءبۇلدىرىپ وتىر دەپ ايىپتادى. ماسكەۋ مەن ۋاشينگتون اراسىنداعى شيەلەنىستىڭ كۇشەيۋىنە بايلانىستى سوڭعى كەزدە ەكى ەلدە مۇنداي ايىپتاۋلار جيىلەي باستادى.

«پارس.اقپارات» اگەنتتىگىنىڭ حابارىنا قاراعاندا، رەسەي پرەزيدەنتى ۆلاديمير پۋتين: «اقش شەشەنستان لاڭكەستەرىن قولداپ، ولاردى رەسەيدىڭ تىنىشتىعىن ءبۇلدىرۋ ءۇشىن پايدالانعالى وتىر. امەريكالىق بارلاۋ ۇيىمدارى ماسكەۋدىڭ ەسكەرتۋلەرى مەن ايىپتاۋلارىنا قاراماستان شەشەنستانداعى لاڭكەستەرگە اقپاراتتىق، ساياسي جانە قارجىلىق قولداۋ كورسەتىپ وتىر»، – دەگەن.

رف پرەزيدەنتىنىڭ ايتۋىنشا، ماسكەۋ اقش بارلاۋ ۇيىمدارىنىڭ رەسەيدەگى كەيبىر لاڭكەستىك توپتاردى ءتۇرلى جاقتان قولداپ وتىرعانىن دالەلدەيتىن قۇجاتتاردى جيناپ، كەيبىرەۋىن اقش-قا تاپسىرعان.

ماسكەۋدىڭ ايتۋىنا قاراعاندا اقش شەشەنستاننىڭ لاڭكەستەرىن كەيدە جاسىرىن، كەيدە اشكەرە تۇردە قولداپ وتىر. ولاردىڭ رەسەي تۇتاستىعىن ءبۇلدىرۋ ءۇشىن پايدالانباق ەكەن. پۋتين وسىدان بۇرىندا سولتۇستىك كاۆكاز وڭىرىندەگى لاڭكەستەردى اقش بارلاۋ ۇيىمىنىڭ استىرتىن قولداپ كەلگەنىن، ونى رەسەيلىك بارلاۋ ۇيىمدارى انىقتاعانى تۋرالى ايتقان بولاتىن.

“The Qazaq Times”