ريم مەرى بوسقىنداردى قابىلداۋعا قارسى

ريم مەرى يتاليا بيلىگىنەن قالاعا يمميگرانتتاردى جىبەرمەۋىن سۇرادى.

ريم مەرى ۆيردجينيا ءرادجيدىڭ ايتۋىنشا، يتاليا ۇكىمەتى شاھارعا يمميگرانتتاردى  جىبەرۋىن توقتاتپاسا، بۇنىڭ سوڭى الەۋمەتتىك تولقۋلارعا الىپ كەلۋى مۇمكىن.

2014 جىلدان بەرى يتالياعا تەڭىز ارقىلى 500 مىڭنان استام بوسقىن كەلگەن. ولاردىڭ باسىم كوپشىلىگى سولتۇستىك افريكا ەلدەرىنىڭ ازاماتتارى. قازىرگى تاڭدا يتاليا اۋماعىندا 200 مىڭ ادام بوسقىندار لاگەرىندە تۇرىپ جاتىر. بىلتىر وسى ۋاقىتتا ەل اۋماعىنا 180 مىڭ يمميگرانت كەلسە، بيىل ولاردىڭ سانى 250 مىڭ بولادى دەپ كۇتىلۋدە. وسىعان بايلانىستى يتاليا بيلىگى بيىل بوسقىنداردى قابىلدايتىن لاگەرلەر سانىن كوبەيتۋدى جوسپارلاپ وتىر.

بىراق يمميگرانتاردىڭ يتاليا اۋماعىنا كوپتەپ كەلۋىنە حالىقتىڭ باسىم كوپشىلىگى قارسى.

سوڭعى جەرگىلىكتى سايلاۋدا «بەس جۇلدىز» وپپوزيتسيالىق پارتياسىنىڭ تومەنگى ناتيجە كورسەتۋىنە بايلانىستى پارتيا مۇشەسى، ريم مەرى، ۆيردجينيا رادجي حالىق الدىندا پارتيا بەدەلىن كوتەرۋ ماقساتىندا يمميگرانتتاردىڭ ەل اۋماعىنا كىرۋىنە شەكتەۋ قويۋ كەرەكتىگىن ءجيى ايتىپ ءجۇر.

فرانس پرەسس اقپارات اگەنتتىگىنىڭ مالىمەتىنشە، قازىرگى تاڭدا يتاليا اۋماعىنداعى بوسقىنداردىڭ تەك 40 پايىزىنىڭ عانا ەل اۋماعىندا قالۋىنا قۇقى بار. قالعاندارى زاڭسىز ميگرانتتار رەتىندە ەلدەن دەپورتاتسيالانادى.

“The Qazaq Times”