الماتىدا ENERGY YOUTH حالىقارالىق بي فەستيۆالى اياقتالدى. "Mega park" سوو-نا 3000-نان اسا كورەرمەن قازاقستان مەن شەتەلدەن كەلگەن بيشىلەردىڭ بيلەرىن تاماشالادى. ستريت-بيشىلەر 300 000 تەڭگە سىيلىق قورى ءۇشىن تالاسقا ءتۇستى.

مەرەكەلىك ءىس-شارانىڭ xەدلاينەرى، فرانتسيادان كەلگەن قوناق مادوننانىڭ xورەوگرافى، الەمدىك دەڭگەيدەگى ۇزدىك xيپ-xوپ ءبيشى Diablo جانە قازاق بي ينتەلەگەنتسياسىنىڭ وكىلدەرى اسحات تولەگەنوۆ، بوريس مەن، b-boy چينگيسحان جانە ەۆگەني پان 150 ادامنىڭ ىشىنەن ۇزدىكتەردى تاڭدادى.

فەستيۆالگە قازاقستاننىڭ ءتۇرلى قالالارىنان ، وزبەكستان، قىرعىزستان، سونىمەن قاتار انگليا سەكىلدى ەلدەردەن كەلگەن بيشىلەر جينالدى.

 

لوندوننىڭ اتىنان شىققان فەستيۆال قاتىسۋشىسى، ءبيشى كofi Mingo: "وسى جەردە ءوزىن كورسەتكىسى كەلەتىن بيشىلەر وتە كوپ جانە بۇل وتە كەرەمەت. بۇل فەستيۆالدى ۇيىمداستىرۋشىلاردىڭ ارقاسىندا ءبىز ءتۇرلى بي جانرىنداعى بيشىلەر اراسىنداعى بايلانىستى سەزىندىك", - دەپ ءوز باعاسىن بەردى.

وليمپيادالىق جۇيە ارقىلى ءاربىر Hip-hop Kids, Hip-hop Beginners, Hip-hop Professionals جانە All Styles نوميناتسيالارىندا 8 ۇزدىك ءبيشى تاڭدالدى. ءاربىر ادام قاتىسىپ، كەزدەيسوق اۋەنگە بي بيلەگەن All Styles ساناتى ەڭ كوپ قاتىسۋشى جيناعان نوميناتسيا اتاندى. فەستيۆالدىڭ ەڭ جاس قاتىسۋشىسى 5 جاسار دارىندى ۆالەريا گورەگلياد بولدى.

فرانتسيادان كەلگەن قوناعىمىز Diablo ءبىزدىڭ بيشىلەرىمىزدىڭ دەڭگەيىنىڭ جاقسى ەكەنىن اتاپ كەتتى. ول قازاقستاندا بولعانىنا جانە بيگە دەگەن ءوز كوزقاراسىن كورسەتكەنگە قۋانىشتى. كەشتىڭ سوڭىندا شاقىرىلعان تورەشىلەر بيشىلەردى عانا ەمەس، كورەرمەندەردى دە تاڭ قالدىرعان پەرفومانس كورسەتتى.

“The Qazaq Times”