يزرايل اسكەرىنە نارازىلىق بىلدىرگەن مۇسىلمان ايەل. فوتو: Katehon.

بۇۇ باس حاتشىسى انتونيۋ گۋتەررەش 50 جىلدان بەرى جالعاسىپ كەلە جاتقان جاۋلاۋدى توقتاتۋ تۋرالى يزرايلگە ۇندەۋ تاستادى. بۇل تۋرالى «تۇرىك تەلە-راديو» قىزمەتىنىڭ رەسمي سايتى حابارلاپ وتىر. بۇۇ باس حاتشىسى وڭىردە ءبىر تۇتاس بەيبىتشىلىك ورناتۋدىڭ باستى نەگىزى – جاۋلاۋدى توقتاتىپ، بەيبىت كەلىسسوزدەرگە بارۋ ەكەنىن ايتتى.

سوعىستان ابدەن قاجىعان ەكى مەملەكەت. فوتو: russia now.

بۇل تۋرالى گۋتەررەش ءيزرايلدىڭ پالەستينانى جاۋلاۋىنىڭ 50 جىلدىعىنا وراي جاساعان جازباشا مالىمدەمەسىندە ءسوز ەتتى. ول مالىمدەمەسىندە جارتى عاسىردان بەرى جالعاسىپ كەلە جاتقان ءيزرايلدىڭ پالەستينانى جاۋلاۋ شاپقىنشىلىعى ءوڭىردىڭ تۇراقتىلىعىن بۇزىپ، پالەستينا حالقىنىڭ ۇرپاقتان ۇرپاققا لاگەرلەردە كەدەيشىلىكپەن ءومىر سۇرۋىنە الىپ كەلگەنىن ەسكەرتە كەتكەن.

ءيزرايلدىڭ 50 جىلدىق شاپقىنشىلىق ناتيجەسى. فوتو: natamax - LiveJournal.

گۋتەررەش سوزىندە: «يزرايل شاپقىنشىلىعى ەكى ەلدىڭ ومىرىنە دە اۋىر زيان سالدى. ەكى مەملەكەتتىڭ حالقىن كەدەيلىككە ۇرىندىردى. سونداي-اق، پالەستينالىقتار مەن ەۆرەيلەر اراسىندا بىتپەس جاۋلىق پەن تارقاماس كەكتى ورناتتى. پالەستينالىقتاردىڭ مەملەكەتىن قايتا قۇرۋ يدەياسى، يزرايلدىكتەردىڭ كوكسەگەن تىنىشتىق پەن بەيبىت ءومىرىن جۇزەگە اسىرمايدى»، – دەدى.

“The Qazaq Times”