سولتۇستىك كورەيا. پيوڭياڭ قالاسى. فوتو: Human Rights Watch.

سولتۇستىك كورەيا ءسىم-نىڭ رەسمي مالىمدەمەسىندە بۇۇ قاۋىپسىزدىك كەڭەسىنىڭ كحدر تۋرالى شەشىمىنە نارازىلىق تانىتتى. سونداي-اق، مالىمدەمەدە سولتۇستىك كورەيا تاراپى سانكتسيالار مەن ءتۇرلى قىسىمدارعا قاراماستان وزدەرىنىڭ يادرولىق باعدارلاماسىنان باس تارتپايتىندىعىن جاريالادى. بۇل تۋرالى وڭتۇستىك كورەيانىڭ "Yonhap" اگەنتتىگىنە سىلتەمە جاساي وتىرىپ "شينلاڭ" اقپاراتتىق پورتالى حابارلاپ وتىر.

سولتۇستىك كورەيا ءسىم بۇۇ قاۋىپسىزدىك كەڭەسىنىڭ شەشىمىن بەلگىلى ءبىر ەلدەردىڭ مۇددەسىنە جانباسۋشىلىق دەپ سىنعا الدى. سونداي-اق مالىمدەمە اراسىندا: "كحدر-عا سانكتسيالار مەن ەكونوميكالىق جانە ساياسي قىسىم جاساۋدى كوزدەگەن ەلدەر قاتە شەشىم جاساپ وتىر. مۇنداي قىسىم جاساۋ شارالارى ولارعا كومەكتەسپەيدى. قانشالىقتى قىسىم كەلسە دە ءبىز ءوزىمىزدىڭ يادرولىق باعدارلامامىزدان جانە بالليستيكالىق زىمىرانداردى دامىتۋ باعدارلامالارىمىزدان باس تارتپايمىز", – دەدى.

“The Qazaq Times”