سۇرياداعى تەررورلىق ۇيىمنىڭ جەتەكشىسى بەرليندە شەرۋدە بوي كورسەتتى

تۇركيا اقپارات قۇرالدارىنىڭ جەكسەنبى كۇنگى حابارىنا قاراعاندا، تۇرىك قارۋلى كۇشتەرى افرين ايماعىندا كۇرەسىپ جاتقان PYD-YPG ۇيىمىنىڭ جەتەشىسى گەرمانيانىڭ ورتالىق قالاسى بەرليندە بوي كورسەتكەن. تۇركيالىق باق اتالمىش PYD-YPG ۇيىمىنىڭ جەتەكشىسى ساليح مۋسليم وسىدان بۇرىن چەحيا استاناسىندا تەرگەۋدە بولعانىن جانە پراگا جاعى ونى بوساتىپ جىبەرگەنىن ايتادى. بۇل تۋرالى «انادولى» اقپارات اگەنتتىگى حابارلادى.

PYD-YPG ۇيىمىنىڭ جەتەكشىلەرىنىڭ ءبىرى ساليح مۋسلين بەرليندەگى تۇركيانىڭ قارۋلى وپەراتسياسىنا نارازىلىق شاراسىنا قاتىسقان. شارانى PKK, PYD-YPG ۇيىمىنىڭ جاقتاۋشىلارى ۇيىمداستىرعان دەلىندى.  حاباردا بۇعان قوسا، شەرۋگە قاتىسۋشىلار مەن  پوليتسەيلەر اراسىندا قاقتىعىس بولعانى ايتىلدى. قاقتىعىستا 4 پوليتسەي جارالانىپ، PKK جاقتاۋشىلارىنىڭ ءۇش جەتەكشىسى تەرگەۋگە الىنعان.

تۇركيالىق باق-تىڭ وسىعان ۇقساس تاعى ءبىر حابارىندا، 2017 جىلى گەرمانياداعى مەشىتتەر مەن مۇسىلماندار ورتالىعىنا 950 رەت شابۋىل جاسالىپ، 33 ادام جاراقات العان. گەرمانيا ءىىم-ءنىڭ مالىمەتىندە،  شابۋىل جاساۋشىلاردىڭ باسىم كوبى راديكال وڭشىلدار دەلىنگەن.

“The Qazaq Times”