اقۇيدەگى پرەزيدەنت كەڭسەسىنىڭ تەرەزەسىنەن. فوتو: NPR.

اقش شەنەۋنىكتەرىنىڭ ايتۋىنشا، اقۇي ءبىر ارنايى تەكسەرۋ گرۋپپاسىن جاساقتاعان. بۇل رەسەيدىڭ وتكەن جىلعى اقش پرەزيدەنت سايلاۋ ىسىنە ارالاسۋ ءىسىن زەرتتەۋدى كۇشەيتۋ ءۇشىن جاسالىپتى. ۋاشينگتونداعى ساياسي توپتاردىڭ الاۋىزدىعىن باسەڭدەتىپ، بيلىك جۇيەسىن رەتكە سالۋدى ماقسات ەتىپ وتىر. بۇل تۋرالى تانىمال باسىلىم “The Wall Street Journal” باسىلىمى حابارلاپ وتىر.

بۇل جاڭادان قۇرىلعان تەكسەرۋ گرۋپپاسى ادۆوكاتتار، زەرتتەۋشىلەر مەن بايلانىس قىزمەتىنىڭ ماماندارىنان قۇرام تاپقان. بۇلار نەگىزىنەن تەرگەۋشىلەر مەن جۋرناليستەردىڭ سۇراقتارىن قاناعاتتاندىرۋ ءۇشىن جاۋاپتى بولىپ وتىر. نەگىزىنەن 2016 جىلعى اقش پرەزيدەنت سايلاۋىنا رەسەيدىڭ قاتىسى بار دەگەن ماسەلە توڭەرەگىندە ارناۋلى تەكسەرۋ قىزمەتىن ورىستەتەدى. ال، ترامپتىڭ كومەكشىلەرى رەسەيلىك وكىلدەرمەن ءتىل بىرىكتىردى دەپ ايىپتالىپ وتىر.

اقۇي شەنەۋنىكتەرىنىڭ ءبىرىنىڭ ايتۋىنشا، اپپارات باسشىسى رەينس پريەبۋس، ال باس ستراتەگ ستيۆ بەننون بولىپ تاعايىندالعان. بۇلار پرەزيدەنتتىڭ اعا كەڭەسشىسى ءارى ترامپتىڭ كۇيەۋ بالاسى كۋشنەرگە بايلانىستى تەكسەرۋ قىزمەتىن ۇيىمداستىرۋدا.

“The Qazaq Times”