وڭتۇستىك كورەيا جاڭا پرەزيدەنتى اقش پەن قىتايدىڭ قىسپاعىندا قالدى

وڭتۇستىك كورەياعا كەلگەن اقش دەلەگاتسياسىمەن كەزدەسۋ كەزىندە، كورەي پرەزيدەنتى ءمۇن جا-ين ءوزىنىڭ كورەي-اقش بىرلەسكەن ارمياسىنداعى اقش ارمياسىنا تولەنەتىن قارجىنى تالاپ ەتۋىنەن الاڭدايتىنىن جاسىرمادى. سونىمەن بىرگە، داۋى ارىلماعان اقش زىمىران قورعانىس جۇيەسىن ورناتۋ ءىسى تۋراسىنداعى كۇماندارىن دا اشىق ورتاعا سالدى.

ءمۇن جا-ين سارسەنبى كۇنى اقش دەموكراتتار پارتياسىنىڭ سەناتتاعى ەكىنشى وكىلى، يللينويس شتاتىنىڭ سەناتورى ريچارد دۋربينمەن كەزدەسۋ بارىسىندا جوعارىداعى داۋلى تۇيىندەردى ايتقان بولاتىن. بۇل ماسەلەردە اقش پەن كورەيا اراسىندا سالماقتى كەلىسپەۋشىلىكتەرگە سەبەپ بولۋى مۇمكىن. كورەي جاڭا پرەقيدەندى ماۋسىم ايىندا ۋاشينگتونعا ساپارلاي بارىپ، پرەزيدەنت ترامپپەن كەزدەسپەك.

ءدۋربيننىڭ ايتۋىنا قاراعاندا، جوعارى كەڭىستىكتە اۋەدە قورعانىس جۇيەسىنىڭ تەرمينالى اتالعان پرەزيدەنتتەر كەزدەسۋىنىڭ باستى تاقىرىبى بولعالى تۇر. «سااد» جۇيەسى بولسا ءمۇن جا-ين ۇكىمەت باسىنا كەلۋدەن بۇرىن اقش-كورەي اراسىنداعى كەلىسىم بولىپ تابىلادى. ال ەكى ەل قورعانىس سالاسىنىڭ جوعارى لاۋازىمدىلارى وسى اپتادا ۋاشينگتوندا بۇل اتاۋلى ماسەلە تۋرالى كەلىسسوز وتكىزبەك.

كورەي پرەزيدەنتى بولسا بۇل جوسپاردىڭ الداعى كەلىسسوزدەن كەيىن قايتا قارالۋىن ءۇمىت ەتىپ وتىر. سەبەبى، ءمۇن جا-ين ءۇشىن مەملەكەتتىڭ ىشكى سىرتقى جاعدايىن ورنىقتىرىپ، قىتاي مەن سولتۇستىك كورەيادان كەلەتىن قىسىمدى ازايتۋ ءۇشىن «سااد» جۇيەسىن ەلىنە كىرگىزبەي تۇرۋعا تىرىسپاق. الايدا كوپ جىلعى وداقتاسى اقش-پەن بۇل جايىندا ءسوزى جاراسا ما، جوق – بۇل الداعى كەلىسسوزدەردىڭ ەنشىسىندە.

“The Qazaq Times”