Корея жаңа президенті Моон Жа-Ин. Фото: South China Morning Post

Оңтүстік Кореяға келген АҚШ делегациясымен кездесу кезінде, Корей президенті Мүн Жа-Ин өзінің Корей-АҚШ бірлескен армиясындағы АҚШ армиясына төленетін қаржыны талап етуінен алаңдайтынын жасырмады. Сонымен бірге, дауы арылмаған АҚШ зымыран қорғаныс жүйесін орнату ісі турасындағы күмәндарын да ашық ортаға салды.

Мүн Жа-Ин сәрсенбі күні АҚШ Демократтар партиясының Сенаттағы екінші өкілі, Иллинойс штатының сенаторы Ричард Дурбинмен кездесу барысында жоғарыдағы даулы түйіндерді айтқан болатын. Бұл мәселерде АҚШ пен Корея арасында салмақты келіспеушіліктерге себеп болуы мүмкін. Корей жаңа преқиденді маусым айында Уашингтонға сапарлай барып, президент Трамппен кездеспек.

Дурбиннің айтуына қарағанда, Жоғары кеңістікте әуеде қорғаныс жүйесінің Терминалы аталған президенттер кездесуінің басты тақырыбы болғалы тұр. «Саад» жүйесі болса Мүн Жа-Ин үкімет басына келуден бұрын АҚШ-Корей арасындағы келісім болып табылады. Ал екі ел қорғаныс саласының жоғары лауазымдылары осы аптада Уашингтонда бұл атаулы мәселе туралы келіссөз өткізбек.

Корей президенті болса бұл жоспардың алдағы келіссөзден кейін қайта қаралуын үміт етіп отыр. Себебі, Мүн Жа-Ин үшін мемлекеттің ішкі сыртқы жағдайын орнықтырып, Қытай мен Солтүстік Кореядан келетін қысымды азайту үшін «Саад» жүйесін еліне кіргізбей тұруға тырыспақ. Алайда көп жылғы одақтасы АҚШ-пен бұл жайында сөзі жараса ма, жоқ – бұл алдағы келіссөздердің еншісінде.

“The Qazaq Times”