الەم بويىنشا 2,7 ملن بالا جەتىمدەر ءۇيى مەن ينتەرناتتاردا تۇرادى دەپ جازادى بىرىككەن ۇلتتار ۇيىمىنىڭ (يۋنيسەف) بالالاردى قورعاۋ ۇيىمىنىڭ سايتى.

بۇل دەگەنىمىز الەم بويىنشا 100 مىڭ بالانىڭ 120-سى جەتىمدەر ۇيىندە نەمەسە ينتەرناتتاردا تۇرادى دەگەن ءسوز. بۇل كورسەتكىش ورتالىق جانە شىعىس ەۆروپا ەلدەرىندە ءتىپتى جوعارى. وندا 100 مىڭ بالانىڭ 666-سى جەتىمدەر ءۇيىن مەكەندەيدى.

«قازىرگى تاڭدا الەم بويىنشا جەتىمدەر ءۇيى مەن ينتەرناتتارداعى وتباسىنان ايىرىلعان بالالار وتە اۋىر جاعدايدا. ولار بالالار ۇيىندە ۇلكەندەر تاراپىنان زورلىق-زومبىلىق پەن الىمجەتتىكتى كوپ كورۋدە. بۇل بالانىڭ پسيحولوگياسىنا قاتتى اسەر ەتەدى.» دەيدى يۋنيسەف بالالاردى قورعاۋ ۇيىمىنىڭ ديرەكتورى كورنەليۋس ۋيليامس.

وسى جىلى يۋنيسەف 140 مەملەكەتتە جەتىمدەر ۇيىندەگى بالالاردىڭ جاعدايى جونىندە زەرتەۋلەر جۇرگىزگەن. الايدا ءبىر دە ءبىر ەل بالالار جايىندا تولىققاندى اقپارات بەرمەگەن.

“The Qazaq Times”