وڭتۇستىك كورەيانىڭ ماڭىزدى قۇپيالىعىنان جاڭا پرەزيدەنتى حابارسىز قالعان

وڭتۇستىك كورەيا پرەزيدەنتى ءمۇن جا-ين 30 مامىر كۇنى زىمىرانعا قاراسى «سااد» جۇيەسى تۋرالى مالىمدەمەلەردى تىڭدادى. ءمۇن جا-ين مالىمەتتەردى قاراپ شىعىپ تاڭناىس ءبىلدىردى دەپ حابارلايدى «شينلاڭ» اگەنتتىگىنىڭ سايتى. سەبەبى، بەلگىلى «سااد» جۇيەسى ءۇشىن اكەلىنگەن ەكى زىمىران قوندىرعىلى كولىكتەن تىس، قۇپيا اكەلىنگەن 4 زىمىران كولىكتەرى بار بولىپ شىقتى. سوعان دەيىن ولار جايلى ەلدىڭ جاڭا پرەزيدەنتى ەش حابارسىز بولعان.  

بۇل مالىمەتتەردە سولتۇستىك كيونسان-سەڭجۋ جەرىنە ورنالاستىرماق بولعان «ساد» جۇيەسىنىڭ زىمىراندارى ورناتىلعان كولىكتەرىنەن تىس، ءتورت زىمىران تاسىمالداۋشى كولىكتىڭ وڭتۇستىك كورەيا اۋماعىنا جەتكىزىلگەنى تۋرالى مالىمەتتەردى قامتيدى. كورەيا پرەزيدەنتى ۇلتتىق قاۋىپسىزدىك قىزمەتى مەن ۇلتتىق قارىم-قاتىناس قىزمەتى دەپارتامەنتتەرىنە بۇل تۋرالى ارنايى تاپسىرما بەرگەن.

كورەيانىڭ اقپارات كوزدەرىنىڭ حابارىنا قاراعاندا، ۇلتتىق قارىم-قاتىناس قىزمەتى دەپارتامەنتىنىڭ باس حاتشىسى پرەزيدەنتتىڭ اتالعان مالىمەتتى تاپسىرىپ اتالعاننان كەيىن ايىرىقشا تاڭقالىس بىلدىرگەنىن، وسىعان دەيىن «سااد» جۇيەسى تۋرالى تولىق مالىمەتكە يە ەمەس ەكەنىن ايتقان. مالىمەتتەردى تىڭداپ بولا سالا كورەيا قورعانىس مينيستىرلىگىنە قوڭىراۋ شالىپ، كورەياعا جاسىرىن كىرگىزىلگەن 4 زىمىران تاسىمالداۋشى كولىكتەر تۋرالى تولىق مالىمەت بەرۋىن سۇراعان. وسىعان دەيىن كورەي قورعانىس تاراۋلارى بۇل تۋرالى مالىمەتتى پرەزيدەنتكە اشىپ كورسەتپەي كەلگەن ەكەن.

ءوز ەلىندەگى قۇپيالىقتىڭ شەت-جاعاسىن بىلگەننەن كەيىن، جاڭا پرەزيدەنت ءمۇن جا-ين جاسىرىن كىرگىزىلگەن 4 زىمىرانعا قارسى جۇيە ورناتىلعان كولىكتەر تۋرالى تەكسەرۋدى بۇيىرعان. بۇل شەشىمدى كىمنىڭ قابىلداعانىن جانە اكەلۋ بارىسى مەن ماقساتى تۋرالى تولىق مالىمەتتى تالاپ ەتكەن. بۇل ءىس تۋرالى كورەيا پرەزيدەنتى شىنداپ تۇرىپ كىرىسپەك.

“The Qazaq Times”