يراكتىڭ ەكىنشى ۇلكەن قالاسىندا ورازا ايىندا نيكاب كيۋگە شەكتەۋ قويدى

يراك موسۋل قالاسىندا ايەلدەردىڭ نيكاب كيۋىنە تيىم سالدى. يراك ۇكىمەت ارمياسى موسۋل قالاسىن دايش ۇيىمىنان رامازان ايىنىڭ الدىندا عانا ازات ەتتى. قالانى لاڭكەستەردەن تولىقتاي تازارتۋ ءۇشىن ورازا ايىندا قالاداعى ايەلدەردىڭ نيكاب كيۋىن شەكتەپ وتىر. بۇل تۋرالى «تۇرىك تەلە-راديو» قىزمەتىنىڭ رەسمي سايتى حابارلايدى.

يراك ۇكىمەت ارمياسى قالانى تولىق مەڭگەرۋىنە العانىمەن قالاداعى لاڭكەستەردىڭ قالدىقتارى ءالى دە تازارىپ بولعان جوق. جاڭادان قۇرىلعان پوليتسيا ورگانى جوعارىدا اتالعان تيىم سالۋ بۇيرىعىنىڭ قاۋىپسىزدىك ءۇشىن جاسالىپ وتىرعانىن ايتۋدا. سەبەبى، لاڭكەستىك توپتىڭ مۇشەلەرى رامازان ايىندا ايەلدەردىڭ نيكاب كيىمىن كيىپ جانكەشتى شابۋىل جاساۋى مۇمكىن دەپ وتىر.

موسۋلدى قايتارىپ الۋ شايقاسى 8 ايعا جالعاستى. وتكەن جىلى قازان ايىندا اقش اۋە ارمياسىنىڭ كومەگىمەن باستالعان ۇرىس مامىردىڭ ورتا شەنىندە سوڭىنا شىقتى. قالاداعى دايش كۇشتەرى تۇگەلگە جۋىق جويىلدى. دەگەنمەن، جاي بۇقارانىڭ اراسىندا جاسىرىنعان جانكەشتىلەر بولۋى مۇمكىن ەكەنىن ايتادى جەرگىلىكتى ۇكىمەت.

“The Qazaq Times”