اقش قورعانىس ءمينيسترى: «يسلام مەملەكەتىن» ءبىرجولاتا قۇرىپ جوعالۋ كۇتىپ تۇر

اقش قورعانىس مينيسترلىگىنىڭ لاۋازىمدىسى جەكسەنبى كۇنى اقش-تىڭ «يسلام مەملەكەتىن» ءبىر جولا قۇرتىپ جىبەرگەلى وتىرعانىن ايتتى. ولاردى قورشاپ جويىپ، جالعاستى تارالۋىن بولدىرمايمىز دەپ كەۋدە قاقتى. بۇل تۋرالى «The Wall Street Journal» حابارلاپ وتىر.

اقش قورعانىس مينيسترلىگىنىڭ باسشىسى مەتتيس CBS News ارناسىنىڭ «Face the Nation» باعدارلاماسىنا بەرگەن سۇحباتىندا: «اقش-تىڭ قورعانىس سالاسىنىڭ الداعى باستى ماقساتى «يسلام مەملەكەتى» تەررورلىق ۇيىمىنا قارسى كۇرەستى كۇشەيتۋ بولىپ تابىلادى. «يسلام مەملەكەتى» بارلىق وركەنيەتتى ەلدەردىڭ جاۋى. قۇراما شتات بۇل جاعىندا تەبىن مەن قارقىندى ارتتىردى. اتالعان لاڭكەستىك ۇيىمعا قارسى كۇرەستى ەڭ جوعارى شەككە دەيىن كۇشەيتەمىز»، – دەدى.

يراك ارمياسى الدە قاشان پارمەندى شابۋىلداردى ىسكە قوستى. قازىر تەررورلىق توپتان قايتارىپ الىنعان موسۋل قالاسىنىڭ قالپىنا كەلتىرۋ ىستەرىن قولعا الۋدا. موسۋلدى قايتراىپ الۋ شايقاسى سەگىزىنشى ايعا اياق باستى. قازىر ونداعى لاڭكەستەرگە اياۋسىز سوققى بەرىلۋدە.

جەكسەنبى كۇنى اتالعان تەلە-ارناداعى سۇحباتىندا مەتتيس بىلاي دەدى: « اقش-تىڭ ماقساتى شايقاستا «يسلام مەملەكەتى» سودىرلارىن تولىقتاي جويىپ جىبەرۋ. ولاردىڭ سولتۇستىك جانە وزگە دە افريكا ەلدەرىنە، ازياعا، ەۋروپا مەن امەريكاعا مەكەن اۋىستىرۋىن بولدىرماۋ كەرەك. ءبىز ولاردىڭ تابىسقا جەتۋىنە جول بەرمەيمىز. ولاردى تەك ءبىر جولا جويىلىپ كەتۋ عانا كۇتىپ تۇر»، دەدى، اقش قورعانىس ءمينيسترى.

“The Qazaq Times”