پەنتاگون باسشىسى ناتو جينالىسىندا. فوتو; Department of Defense - Defense.gov.

اۋعانستان، يراك جانە ءسۇريا ەلدەرىنە جاساعان ساپارىنان كەيىن اقش-تىڭ قورعانىس ءمينيسترى قىزمەتىن اتقارىپ تۇرعان پاريح شاناحان بريۋسسەلدە وتكەن ناتو ءسىم باسشىلارىنىڭ جينالىسىنا قاتىستى.

جۋرناليستەردىڭ سۇراعىنا جاۋاپ بەرگەن شاناحان اۋعانستان، يراك جانە ءسۇريا جەرىندەگى ساپارىنان ناتو جەتەكشىلەرىنە مالىمەتتەر بەرگەنىن، وڭىردەگى ماسەلەنى تالقىعا سالعانىن ايتقان. سونىمەن بىرگە، اقش اسكەرلەرى ءسۇريادان كەتكەننەن كەيىن تۇراقتىلىقتى ساقتاۋ ماقساتىندا باقىلاۋشى كۇش قۇرىلاتىنىن ايتقان.

شاناحاننىڭ مالىمدەۋىنشە، بۇل باقىلاۋشى كۇش ءسۇريانىڭ سولتۇستىك شىعىسىندا ورنالاسادى. ال، اقش اسكەرلەرى ءسۇريادان كەتكەننەن كەيىن ەلدەگى تۇراقتىلىق پروتسەستەرىنىڭ جالعاسۋ ماسەلەسى قازىر تالقىلانىپ جاتقانىن بىلدىرگەن.

“The Qazaq Times”