يراكتىڭ موسۋل قالاسىنداعى دايش جەتەكشىسىنىڭ كوزى جويىلدى

يران تەلەراديو ۇيىمى اقپارات اگەنتتىگىنىڭ  «Al Sumaria  News» اقپارات تورابىنا سىلتەمە جاساپ حابارلاۋىنشا، يراكتىڭ سولتۇستىگىندەگى نەيناۆا وبلىسىنداعى جەرگىلىكتى دەرەككوزدەرى دايش لاڭكەستىك توبىنىڭ اقپارات تاراتۋ كوميتەتى باسشىسىنىڭ ءموسۋلدىڭ شىعىسىنداعى ءال-كارامە ايماعىندا قاۋىپسىزدىك كۇشتەرىمەن شايقاستا ەكى سەرىگىمەن بىرگە كوزى جويىلعانىن مالىمدەدى.

وسى دەرەككوزدەرىنىڭ مالىمدەۋى بويىنشا، دايش ءوزىنىڭ ۇگىت-ناسيحاتتىق كۇشتەرىن موسۋلدەگى قاقتىعىستاردان بەينەماتەريال ازىرلەۋگە جۇمىلدىرعان. وسى بەينەماتەريالدار دايش توبىنا قاراستى "اماق" ارناسىنان تاراتىلادى.

نەيناۆا وبلىسىنىڭ ورتالىعى ءموسۋلدى ازات ەتۋ امالدارى 2016 جىلى 17 قازاندا يراك پرەمەر-ءمينيسترى  حايدەر ءال- ءاباديدىڭ بۇيرىعىمەن باستالدى. موسۋل دايش لاڭكەستەرىنىڭ يراكتاعى ەڭ ماڭىزدى بازاسى بولىپ تابىلادى.

"The Qazaq Times"