پحەنيان پاك كىن حەنىڭ پرەزيدەنتتىكتەن كەتكەنىن ەندى عانا حابارلادى

كورەي انىقتامالىق جاڭالىقتار سايتىنىڭ بۇگىنگى حابارىنا قاراعاندا، سولتۇستىك كورەيانىڭ رەسمي باق-ى وڭتۇستىك كورەيا بۇرىنعى پرەزيدەنتىنىڭ تاقتان تايدىرىلعانىن 25 مامىر دا عانا جاريالاعان. ءارى حابار مازمۇنىندا وڭتۇستىك كورەيانىڭ بۇرىنعى پرەزيدەنتى پاك كىن حەنى «ەڭ نەگىزگى ساتقىن» نەمەسە «ەكى ءجۇزدى» دەگەن سەكىلدى اتاۋلارمەن اتاعان.

سينگاپۋردىڭ «بىرلەستىك تاڭى» باسىلىمى France-Presse اقپاراتتىق اگەنتتىگىنە سىلتەمە جاساي وتىرىپ، سولتۇستىك كورەيانىڭ جۇمىسشى پارتياسىنىڭ نەگىزگى گازەتى «جۇمىسشىلار گازەتى» باسىلىمىندا پاك كىن حە تۋرالى حاباردى العاش رەت جاريا ەتكەنى تۋرالى ايتىلعان. وڭتۇستىك كورەيادا پاك كىن حەنىڭ الدە قاشان بيلىگىنەن الىنىپ، ۇستىنەن سوت اشىلىپ، قاماۋعا الىنعان بولسا دا، سولتۇستىك كورەيا رەسمي باسىلىمدارى بۇل حاباردى ەندى عانا حابارلاپ وتىر.

حاباردا وڭتۇستىك كورەيانىڭ بۇرىنعى پرەزيدەنتىن قاتاڭ ايىپتارمەن سىنعا العان. سولتۇستىك كورەيادا شەتەلدەگى وقيعالاردى ەل ىشىنە تاراتۋ قاتاڭ تسەنزۋرادان وتەتىنى ءمالىم. دەي تۇرعانمەن، كورشىلەس ەلدىڭ پرەزيدەنتىنىڭ مەرزىمىنەن بۇرىن بيلىكتەن كەتۋى تۋرالى اقپاراتتى تاراتپاي وتىرۋىنىڭ سەبەبى تۇسىنىكسىز.

“The Qazaq Times”