فوتو: polit.info

رەسەيدىڭ مەملەكەتتىك دۋماسى جاڭا ۆيزا ەنگىزۋگە قاتىستى زاڭدى قابىلدادى. بۇل زاڭ بويىنشا شەتەلدىكتەر رەسەيدە ۋاقىتشا تۇرۋعا رۇقسات الا الادى. وسىلايشا جاڭا قۇجات قولدانىستاعى كادىمگى ۆيزالاردىڭ ءتىزىمىن تولىقتىردى.

ۆيزا شەتەلدىك قوناقتارعا جانە ازاماتتىعى جوق ادامعا ءتورت ايدان كەم ەمەس ۋاقىت رەسەيدە تۇرۋىنا مۇمكىندىك بەرەدى. قۇجات سىرتقى ىستەر مينيسترلىگىنەن بەرىلەدى.

سونداي-اق، "تسيفرلى ەكونوميكا" باعدارلاماسى اياسىندا رەسەيدىڭ كوممۋنيكاتسيا جانە بايلانىس مينيسترلىگى 2019 جىلدان باستاپ "وتانداستار كارتاسىن" ەنگىزۋ تۋرالى باستاما كوتەرگەن. بۇل جۇيە ورىس ءتىلىن جەتىك مەڭگەرگەن، رەسەيدەن شىققان بىلىكتى شەتەلدىكتەرگە ەلگە كەلىپ جۇمىس ىستەۋگە مۇمكىندىك بەرەدى. الايدا بۇل ۇسىنىس سىنشىلار مەن مۇنى جاقتاۋشىلار اراسىندا قىزۋ تالقىلانىپ جاتىر.

“The Qazaq Times”