بريۋسسەلدە مانچەستەر وقيعاسىنا ازا ءبىلدىرىپ جاتقاندا، ۆاتيكاندا جارىلىس بولادى دەگەن حابار جەتتى

مانچەستەردەگى جارىلىس وقيعاسىنان قازاق بولعاندار مەن زارداپ شەككەندەر ءۇشىن بريۋسسەل قالاسىنداعى ەۋروپا پارلامەنت الدىنداعى ۇلىبريتانيا جانە وداققا مۇشە ەلدەردىڭ تۋى جارتىلاي ءتۇسىرىلدى. ەو مانچەستەردەگى جارىلىستى ايىپتاپ، تەرروريزمگە قارسى تۇرۋدا ۇلىبريتانياعا قولداۋ كورسەتەتىنىن ايتىپ ۋادە بەردى. بۇل تۋرالى «تۇرىك تەلە-راديو قىزمەتى» رەسمي سايتى حابارلاپ وتىر.

بريۋسسەلدە ەو جانە ۇلىبريتانيا تۋى جارتىلاي ءتۇسىرىلدى. فوتو: TRT

ۇلىبريتانيانىڭ مانچەستەر قالاسىندا ورىن العان جارىلىس، وسىعان دەيىن ەۋروپا ەلدەرىندە تۋىلعان جانكەشتى شابۋىلداردىڭ ىشىندە ادام شىعىنى كوپ بولعان وقيعالاردى ءبىرى. بارلىق ەۋروپا ەلدەرىمەن بىرگە وزگە الەم ەلدەرى ۇلىبريتانياعا كوڭىل ايتۋ تەلەگراممالارى مەن قوڭىراۋلارىن جولداپ جاتىر. وسىدان بۇرىن اقش ۇكىمەتى الداعى جازدا ەۋروپا ەلدەرىندەگى ادام شوعىرلى جينالاتىن ورىنداردا تەررورلىق شابۋىلداردىڭ ءجيى تۋىلاتىنىن ايتقان بولاتىن.

مانچەستەردەگى جارىلىس ءدۇبىرى باسىلماي جاتىپ، اقش پرەزيدەنتى اتتانا سالىسىمەن ۆاتيكاندا دا جارىلىس تۋىلۋى مۇمكىن دەگەن حابار شىقتى. سول ەلدە ساياحاتتاپ جۇرگەن ءبىر تۋريست ۆاتيكان پوليتسيا تاراۋىنا كۇدىكتى سۋمكانىڭ ادامدار كوپ جۇرەتىن كوشە بويىندا جاتقانىن حابارلايدى. ارناۋلى بومبا تازالاۋشى قوسىنمەن اتالعان ورىنعا كەلگەن پوليتسەيلەر، بۇل سۋمكانىڭ زالالسىز ەكەنىن انىقتاپ، حابار تاراتقان.

“The Qazaq Times”