يندونەزيا مەن ۆەتنام شارلاۋشى كەمەلەرى وڭتۇستىك قىتاي تەڭىزىندە قاقتىعىستى

Associated Press-تىڭ كەشەگى حابارىندا يندونەزيانىڭ تەڭىز جانە بالىق شارۋاشىلىعى مينيسترلىگى 23 مامىر كۇنى حابارلاماسى جاريا ەتىلدى. وندا يندونەزيانىڭ تەڭىز شارلاۋشى كەمەسى مەن ۆەتنامنىڭ شارلاۋشى كەمەسى وڭتۇستىك قىتاي تەڭىزىندە قاقتىعىسىپ قالعان. وقيعادا يندونەزيا تەڭىز شارلاۋشىلارى 5 ۆەتنامدىق بالىقشى كەمەسىن تۇتقىنداعان. بۇل تۋرالى «شينلاڭ» اقپاراتتىق اگەنتتىگى حابارلاپ وتىر.

يندونەزيا تەڭىز جانە بالىق شارۋاشىلىعى مينيسترلىگى بەرگەن مالىمەت بويىنشا ەكى ەل اراسىنداعى قاقتىعىس وڭتۇستىك قىتاي تەڭىزىندەگى ناتۋنا ارالدارى ماڭىنداعى يندونەزيانىڭ «ەرەكشە ەكونوميكالىق ايماعىندا» ورىن العان. ءبىر يندونەزيالىق شارلاۋشى كەمە 5 ۆەتنامدىق بالىقشىلار كەمەسىن تۇتقىنداعان. وسىدان كەيىن ۆەتنامدىق شارلاۋشى كەمەلەر پايدا بولعان. ولار ۆەتنامدىق قايىقتاردى بولىپ الماق بولعان. يندونەزيا جاقتىڭ كورسەتكەن حابارىنا قاراعاندا قاقتىعىس بارىسىندا ادامداردىڭ قازا بولعاندار جوق.

قاقتىعىستان كەيىن ەكى جاقتىڭ دا تەڭىز قورعاۋ قوسىندارى تەڭىز الابىن تىنىشتاندىرۋعا كىرىسكەن. يندونەزيانىڭ اتالعان مينيسترلىگىنىڭ ءبىر وكىلى 11 ۆەتنامدىق ەكيپاج مۇشەسى ۇستالعانىن ايتىپ وتىر.

Associated Press-ءتىڭ حابارىنا قاراعاندا، سوڭعى ەكى جىلدا، يندونەزيا جاق «ەرەكشە ەكونوميكالىق ايماقتا» ۆەتنام بالىقشىلار كەمەسىنىڭ بالىقشىلار كەمەسىنىڭ كىرۋىنە شەكتەۋ قويعان.

“The Qazaq Times”