فوتو: الاۋ تۆ

ەسەپ كوميتەتىنىڭ مالىمەتىنشە، "سامۇرىق-قازىنا" قورىنىڭ قۇرامىنداعى ءۇش كومپانياعا بيۋدجەتتەن قاراجات بولىنگەنمەن، 400 مىڭ شارشى مەتردەن اسا تۇرعىن ءۇي پايدالانۋعا بەرىلمەگەن. بۇل جونىندە رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ مۇشەسى حاليدا قامباروۆا "سامۇرىق-قازىنا" اق باسشىلىعى مەن دەپۋتاتتارىنا ارنايى جاساعان مالىمدەمەسىندە ايتتى. 

"تۇرعىن ءۇي قۇرىلىس جيناق بانكى 2011-2012 جىلدارى "قولجەتىمدى باسپانا-2020" باعدارلاماسىنىڭ قاتىسۋشىلارىن كرەديتتەۋ جانە جارعىلىق كاپيتالىن تولتىرۋ بويىنشا بولىنگەن 21 ملرد تەڭگەنى يگەرمەگەن. 161 مىڭ شارشى مەتردى قۇرايتىن تۇرعىن ءۇي پايدالانۋعا بەرىلمەدى", - دەدىى ول.

سونداي-اق، قامباروۆانىڭ مالىمەتىنشە،  "قازاقستاننىڭ يپوتەكالىق كومپانياسى" اۋماعى 176 مىڭ شارشى مەتردى قۇرايتىن 26,3 ملرد تەڭگەنىڭ تۇرعىن ۇيلەردىڭ قۇرىلىسىن قامتاماسىز ەتە الماعان. ال  "بايتەرەك Development" جالپى اۋماعى 79 مىڭ شارشى مەتر بولاتىن "نۇرلى جول" باعدارلاماسى بويىنشا سالىنۋى ءتيىس تۇرعىن ۇيلەردى پايدالانۋعا بەرمەگەن.

سونداي-اق،  حاليدا كامباروۆا مەملەكەتتىك مۇلىك جانە جەكەشەلەندىرۋ تاراپىنان مەملەكەتتىك مۇلىكتى باسقارۋ تيىمدىلىگىنە قاتىستى مونيتورينگ پەن باقىلاۋدىڭ از ەكەنىن اتاپ ءوتتى. ءتىپتى كەيبىر كۆازيمەملەكەتتىك سەكتور سۋبەكتىلەرىنىڭ اكتيۆتەردى باسقارۋ دەڭگەيى تومەن. ال وسى سالاعا بولىنەتىن بيۋدجەتتىك قاراجاتتىڭ يگەرىلمەي قالعانى جونىندە جاعدايلار وتە كوپ.