فوتو: ۆەستي.رۋ

ۇلىبريتانيا. مانچەستەردە تۋىلعان جانكەشتى شابۋىلدان العاشىندا 19 ادامنىڭ قازا بولعانى جانە 60 ادامنىڭ جاراقات العانى ءمالىم بولعان ەدى. الايدا جارالىلار اراسىنان دا قازا بولعانداردىڭ بار ەكەنى انىق بولدى. قازىرگە دەيىن رەسمي مالىمەتتەر بويىنشا قازا بولعاندار سانى 22 ادامعا جەتتى. بۇل تۋرالى BBC حابارلاپ وتىر.

پوليتسيا جاق جانكەشتى جارىلىس جاساۋشىنىڭ دا قازا بولعانىن مالىمدەپ وتىر. تەكسەرۋدىڭ العاشقى ناتيجەسى بويىنشا جارىلىستى ءبىر ادام جۇزەگە اسىرعان دەلىندى. سوڭعى مالىمەتتەرگە جۇگىنسەك «يسلام مەملەكەتى» لاڭكەستىك ۇيىمى اتالعان تەررورلىق شابۋىلدى ءوز موينىنان العانىن جاريالاعان.

پوليتسيا تاراۋلارى جانكەشتىنىڭ قولدان جاسالعان جارىلعىشتى وزىمەن بىرگە كورەرمەندەر توپتاسقان ورىنعا الىپ كىرگەنىن جانە جارىلىستان كەيىن جانكەشتىنىڭ سول ارادا قازا بولعانىن ايتتى. مۇنداي جانكەشتى شابۋىلداردىڭ قالانىڭ وزگە جەرلەرىندە، ءتىپتى، ەلدىڭ باسقا دا ءىرى قالالارىنداعى الەۋمەتتىك ءىس-شارالار وتەتىن ورىندا تۋىلۋى مۇمكىن ەكەنىن ايتىپ ەسكەرتتى.

“The Qazaq Times”