مۇناي قۇنى قايتادان كوتەرىلە باستادى

دۇيسەنبى كۇنگى مۇنايدىڭ باعاسى ءبىراز كوتەرىلدى. Brent ماركالى مۇنايدىڭ قۇنى باررەلىنە 54 دوللارعا دەيىن وسكەن.

ماسكەۋ ۋاقىتىمەن 5:49 شاماسىندا Brent ماركالى مۇنايدىڭ شىلدە ايىنا ارنالعان فيۋچەرستىك باعاسى 0,86%-عا ءوسىپ، باررەلى 54,07 دوللاردى قۇرادى. ال WTI ماركالى مۇنايدىڭ قۇنى 0,93%-عا كوتەرىلىپ، باررەلى 50,80 دوللار بولدى.

ايتا كەتەيىك، ساۋد ارابياسىنىڭ ەنەرگەتيكا ءمينيسترى حاليد ال-فاليح مۇناي كولەمىن تاعى 9 ايعا قىسقارتۋ تۋرالى وپەك پەن وعان مۇشە ەمەس ەلدەردىڭ كەلىسىمىن بارلىعى ماقۇلداۋى مۇمكىن ەكەنىن مالىمدەگەن.  ونىڭ سوزىنشە، ءوندىرىس كولەمىن 2018 جىلدىڭ ءبىرىنشى توقسانى اياقتالعانعا دەيىن قىسقارتۋعا كەلىسىپ وتىر.

جالپى مۇناي كولەمىن قىسقارتۋ تۋرالى العاشقى كەلىسىم 2016 جىلدىڭ 30 قاراشاسىندا جاسالعان. وپەك پەن وعان مۇشە ەمەس 11 شيكىزات ءوندىرىسىن تاۋلىگىنە 1,2 ملن باررەلگە دەيىن قىسقارتۋعا كەلىسكەن. ەندىگى كەلىسىم 25 مامىر كۇنى اۋستريانىڭ استاناسى ۆەنا قالاسىندا وتەدى.

"The Qazaq Times"