حاكەر بولۋ ءۇشىن نەنى ءبىلۋ كەرەك؟

ينتەرنەتتى قولدانۋشىلاردىڭ باسىم كوپشىلىگى حاكەر بولۋ ءۇشىن – كومپيۋتەردى جەتىك مەڭگەرىپ قانا قويماي، تابيعي دارىن قاجەت دەپ ويلايدى. بىراق قازىرگى قوعامداعى اسا «سۇرانىسقا يە» كيبەر قىلمىسكەر بولۋ ءۇشىن كومپيۋتەردى ورتا دەڭگەيدە ءبىلىپ، تەگىن وقۋ رەسۋرستارى ارقىلى ءبىراز ۋاقىت جاتتىعۋدىڭ ءوزى جەتىپ جاتىر.

بۇنداي تۇجىرىمدى  اقش-تىڭ حالىقارالىق قىلمىس اگەنتتىگىنىڭ  (NCA) جۇرگىزگەن زەرتتەۋ ناتيجەلەرى دالەلدەپ وتىر. اگەنتتىك ماماندارىنىڭ اقپاراتىنا سايكەس، كيبەر قىلمىسكەرلەردىڭ ورتا جاسى 17-18 شاماسىندا، سونىمەن قاتار، ولار باسقا «ءداستۇرلى» قىلمىس تۇرلەرىنە بەيىم كەلمەيدى.

ماماندار كەلتىرگەن زەرتتەۋ ناتيجەلەرىندە: « ينتەرنەتتەگى قىلمىسكەر مانسابىن باستاۋ ءۇشىن، بۇگىندە اسا ەرەكشە قابىلەتتىڭ قاجەتى جوق. Remote Access Trojan سەكىلدى قۇرالداردىڭ كومەگىمەن ازداعان الدىن-الا تولەم جاساپ، زاڭدى بۇزۋعا بولادى» - دەلىنگەن.

سونىمەن قاتار، حاكەرلەر بەلگىلى ءبىر ۋاقىت ارالىعىندا وزدەرىنىڭ جەتىستىكتەرىمەن ءبولىسۋ ءۇشىن، ارنايى فورۋمدار مەن باسقوسۋلار ۇيىمداستىرىپ تۇرادى ەكەن.

جاستاردى بۇل قىلمىستىق سالادان الاستاتۋ ماقساتىندا كوپتەگەن ۇكىمەتتىك ۇيىمدار مەن كومپانيالار كومپيۋتەردىڭ مۇمكىندىكتەرنى زاڭدى ءارى پايدالى ماقساتتا پايدالانۋعا شاقىرۋدا.

“The Qazaq Times”