جاپون حانشايىمى ماحاببات ءۇشىن تاق مۇراگەرلىگىنەن باس تارتتى

جاپونيانىڭ حانشايىمى ماحاببات ءۇشىن تاق مۇراگەرلىك اتاقتان باس تارتپاق. جاپون باسپاسوزدەرىنە سىلتەمە جاساعان «شينلاڭ» اقپاراتتىق اگەنتتىگى وسىلاي حابارلايدى.

جاپونيانىڭ يمپەراتورى اكيحيتونىڭ قىزى ماكو 2012 جىلى توكيوداعى حالىقارالىق حريستيان ۋنيۆەرسيتەتىندە كەي كومۋرو اتتى جىگىتپەن تانىسقان. كوڭىلدەرى جاراسقان جۇپتار وتاۋ قۇرۋعا بەل بايلايدى. الايدا، پاتشا وتباسىنىڭ ەرەجەسىنە سايكەس جاي بۇقارامەن تۇرمىس قۇرعان پاتشا اۋلەتى مۇشەلەرى اقسۇيەك دارەجەسىنەن الىنىپ تاستالادى. 25 جاستاعى جاپون حانشايىمى ماكو ءوز سۇيىكتىسى كەي كومۋروعا تۇرمىسقا شىعۋ ءۇشىن «جاپونيا كورولىنىڭ تاق مۇراگەرى» اتاعىنان جانە اقسۇيەك اتاقتان ۋاز كەشپەك.

ولار الدا كۇندە وتاۋ قۇرۋعا دايىندالىپ ءجۇر. كەي كومۋرو ءبىر قۇقىق قورعاۋ ورىنىندا جۇمىس ىستەيدى. بۇدان بۇرىن تۋريزم سالاسىندا دا جۇمىس ىستەگەن ەكەن. قازىر وتباسىمەن بىرگە  يوكاحاما قالاسىندا تۇرادى.  

“The Qazaq Times”