پۋتين قىتاي استاناسىندا رەسەيدىڭ ەشكىمنەن قورىقپايتىنىن ايتتى

قىتاي استاناسىندا دابىرالى تۇردە بولىپ وتكەن، سول ەلدىڭ ورتاعا قويعان «ءبىر بەلدەۋ، ءبىر جول باعدارلاماسىنىڭ حالىقارالىق فورۋمى» كوپتەگەن ەلدەردىڭ باسشىلارىن بەيجىڭگە جينادى. سول قاتاردا رەسەي پرەزيدەنتى پۋتين دا قىتاي استاناسىندا بولىپ، وزگەلەردەن ايرىقشا سىي-قۇرمەت پەن قوشامەتتە بولىپ قايتتى. الايدا، ءباسپاسوز ماجىلىسىندە جۋرناليستەر رەسەي باسشىسىنا «قىتايدىڭ جەدەل دامىپ، كۇش-قۇدىرەتكە يە بولۋى رەسەيدى الاڭداتپاي ما؟» دەگەن سۇراق قويدى.

15 مامىردا بەيجىڭدە ءپۋتيننىڭ قاتىسۋىمەن ءباسپاسوز-كونفەرەنتسيا وتكىزىلدى. رەسەي، قىتاي تاعى باسقا دا ەلدەردىڭ باق وكىلدەرى قاتىستى. كونفەرەنتسيا دا ءبىر جۋرناليست پۋتينگە: «قىتايدىڭ جەدەل دامىپ، كۇش-قۇدىرەتكە يە بولۋى رەسەيدى الاڭداتپاي ما؟ – دەگەن سۇراعىن قويدى. پۋتين وعان: «رەسەي كەز-كەلگەن ەلدەن قورىقپايدى»، – دەپ جاۋاپ قايتاردى. وسىدان كەيىن ول: «قىتايدىڭ بۇل قادامدارىنان ەشقانداي قاۋىپ جوق. قىتاي باسقا ەلدەرگە يەگەرلىك ەتۋ ماقساتىمەن جاساپ وتىرعان جوق. ەكى ەل ارا بارلىق ماسەلەلەردە كەلىسپەۋشىلىك جوق. ءبىز ءوزىمىزدىڭ شەشىمگە زيان كەلتىرەتىن قادامدارعا بارمايمىز. سوندىقتان بۇل جەردە الاڭدايتىن نە بار؟»، – دەدى.

پۋتين سونىمەن بىرگە قىتاي نارىعىنىڭ اشىق جۇرگىزىلىپ وتىرعانىن جوعارى باعالادى. ەۋروپالىق ءىرى بيزنەس وكىلدەرىمەن كەلىسسوزدەر كەزىندە دە قىتاي اشىق ەكونوميكاسى ءۇشىن باسبارماعىن كوتەردى. بۇل باعاسى قازىرگى كەزدە قىتايدا اقپارات قۇرالداردا كوبىرەك تالقىلانۋ ۇستىندە. سەبەبى، ازيانىڭ ەكى الىبى، ءبىر-ءبىرىنىڭ ءار قيمىلىن قاداعالاپ وتىراتىنى انىق. ىنتىماقتاستىق سەلبەستىكتەرمەن تاتۋلىق ورناتقان ەكى ەل اراسىندا دا، اقىر سوڭىندا قايشىلىققا ۇلاساتىن مۇددەلەردىڭ بار ەكەنى كىمگە دە بولسا بەلگىلى.

“The Qazaq Times”