بۇۇ قاۋىپسىزدىك كەڭەسىنىڭ قۇپيا وتىرىسىنان شىققان وكىلدەر. فوتو: The Wall Street Journal

بۇۇ قاۋىپسىزدىك كەڭەسى كەشە سولتۇستىك كورەيا ماسەلەسى بويىنشا توتەنشە جاعدايداعى جابىق ەسىكتى ءماجىلىسىن وتكىزدى. كەڭەستە سولتۇستىك كورەيانىڭ سوڭعى كەزدەگى بالليستيكالىق زىمىران اتۋ ىسىنە قاراتا جاڭا سانكتسيا سالۋ ءىسىن تالقىلادى. بۇل تۋرالى “The Wall Street Journal” باسىلىمى حابارلاعان بولاتىن.

ديپلوماتتاردىڭ ايتۋىنا قاراعاندا، اقش پەن قىتاي كەلىسسوز جۇرگىزۋ ءىسىن رەتتەۋ ۇستىندە. اتالعان باعدارلاما سولتۇستىك كورەياعا قاراتىلعان جاڭا سانكتسيالاردى قامتىعالى وتىر. اسىرەسە قورعانىس سالاسىنداعى سانكتسيالار قاتاڭداي تۇسپەك. قىتاي سولتۇستىك كورەيانىڭ بۇۇ-داعى ماڭىزدى وداقتاسى بولىپ سانالادى. وسىعان دەيىن قىتاي ءار قايسى تاراپتاردان ەكونوميكالىق جانە قورعانىس سالاسىنا جاڭا سانكتسيالار سالۋدان كورى تىكەلەي كەلىسسوز جۇرگىزۋگە ناسيحاتتاپ كەلگەن بولاتىن.

اقش-تاعى بۇۇ وكىلى نيككي حايلي حالىقارالىق قاۋىمداستىق تا سولتۇستىك كورەياعا قىسىم تۇسىرگىسى كەلمەيتىنىن، بىراق سولتۇستىك كورەيا ەل ءىشى سىرتىندا بالليستيكالىق زىمىراندار سىناعىنان باس تارتپاسا وڭىرلىك قاۋىپسىزدىككە جالعاستى قاتەر ۇلعاياتىنىن ايتتى. قازىر اقش تارابى كەلىسسوز جۇرگىزۋگە تولىقتاي دايىن. ءحايليدىڭ ويىنشا، قازىرگە دەيىن اقش سولتۇستىك كورەيانىڭ يادرولىق باعدارلاماسىنا قولداۋ كورسەتۋشى ەلدى تابا الماي وتىر. وسىعان دەيىن قىتايدان كورىپ كەلىپ ەدى، ولاي بولماي شىقتى. اقش-تىڭ باستى ماقساتى سوندىقتان الداعى جاڭا سانكتسيالاردى دا وسى قولداۋشى ەلدەرگە دە باعىتتاۋعا تىرىسادى دەپ وتىر.

“The Qazaq Times”