ۆەنەسۋەلا پرەزيدەنتى ەكونوميكالىق توتەنشە جاعداي مەرزىمىن ۇزارتتى

ۆەنەسۋەلا ۇكىمەتى ەكونوميكالىق توتەنشە جاعداي مەرزىمىن وسىمەن جەتىنشى رەت ۇزارتىپ وتىر. بۇل جولى جاعداي 13 مامىردان باستاپ 2 ايعا سوزىلادى. ەل پرەزيدەنتى نيكولاس مادۋرونىڭ مۇنداي جارلىعى Gaceta Oficial جاريالانعان. 

مۇنداي شارانى قولدانۋ ارقىلى نيكولاس مادۋرو ۆەنەسۋەلانىڭ ىشكى جاعدايى مەن حالىقتىڭ قۇقىعىن قورعاۋ ماسەلەلەرىن رەتتەپ الماق. سونداي-اق، بۇل قۇجات قاجەت بولعان جاعدايدا ازاماتتارعا بەرىلەتىن كونستيتۋتسيالىق كەپىلدىكتەردى شەكتەۋى مۇمكىن.

نەگىزىنەن ەكونوميكالىق توتەنشە جاعداي مەرزىمى جوعارعى سوتتىڭ وپپوزيتسيالىق ۇلتتىق اسسامبلەيا بيلىگىن شەكتەگەن سوڭ ەلدەگى نارازىلىق اكتسيالارى كوبەيگەندىكتەن ۇزارتىلىپ وتىر. شەشىم كەرى شەگەرىلگەن ەدى، الايدا وپپوزيتسيانى جاقتاۋشىلار كەزەكتەن تىس سايلاۋ وتكىزىپ، سوت مۇشەلەرىنىڭ وتستاۆكاعا كەتۋىن تالاپ ەتىپ ميتينگكە شىققان. اكتسيا باستالعالى بەرى نارازىلىققا قاتىسقانداردىڭ اراسىندا قازا تاپقاندار سانى 40-تان استى.

“The Qazaq Times”