استانا قالاسىندا تءورت قابىرعاسىنا قازاقستان پرەزيدەنتى نۇرسۇلتان نازارباەۆتىڭ سۋرەتتەرى ىلىنگەن راۋشان ۇياباەۆانىڭ ءۇءيىن سءۇءرىپ تاستادى. بيلىك تۇرعىنداردى بۇل ءۇيدەن كەتۋگە كءوندىرگەن دەپ جازادى "ورتالىق ازيا حابار قىزمەتى".

ءۇي يەسى نەسىپكۇل ۇياباەۆا بيلىككە قارسىلاسۋدان ابدەن شارشاعانىن، بىراق ولاردىڭ ارەكەتى زاڭسىز دەگەننەن ءالى تانباعانىن ايتتى.

استانا اكىمدىگىنە قاراستى "قالالىق جىلجىمايتىن مۇلىك" مەملەكەتتىك كوممۋنالدىق كاسىپورىن جەتەكشىسى الەكساندر ستروچكوۆتىڭ ايتۋىنشا، سوت ورىنداۋشىلارى سوت بەلگىلەگەن وتەماقىنى تولەپ بەرگەنشە، بۇل ءۇيدىڭ تۇرعىندارىنا جاتاقحانادان ورىن ۇسىنىلعان.

استانا بيلىگى بۇل ءۇيدى سوت شەشىمىمەن وتكەن جىلدان بەرى سۇرۋگە تالپىنىپ كەلەدى، بىراق وتەماقى كولەمى تىم از دەپ سانايتىن تۇرعىندار ونى بوساتۋدان باس تارتقان.

21 ساۋىردە استانادا "ەكسپو" حالىقارالىق كورمەسىنە دايىندىق ماسەلەلەرى تالقىلانعان جيىندا نازارباەۆ استانا ورتالىعىنداعى ەسكى ۇيلەر قالا كوركىن بۇزىپ تۇر دەگەن ەدى.

qazaqtimes.com