مايك رودجەرس. فوتو: vestifinance.ru

اقش پرەزيدەنتى دونالد ترامپ ميچيگان شتاتىنىڭ بۇرىنعى كونگرەسمەنى مايك رودجەرستى فەدەرالدى باقىلاۋ بيۋروسىنىڭ ( Federal Bureau of Investigation) ديرەكتورى ەتىپ تاعايىنداۋى مۇمكىن. بۇل تۋرالى Bloomberg اگەنتتىگى حابارلاپ وتىر. 

53 جاستاعى مايك رودجەرس بۇدان بۇرىن وكىلدەر پالاتاسىن باقىلاۋ  كوميتەتىنىڭ توراعاسى بولعان. ول كونگرەستى 7 جىل باسقارعان سوڭ 2015 جىلى كەتىپ، قىزمەتىن راديودا جالعاستىرادى. پرەزيدەنت سايلاۋى كەزىندە رودجەرس دونالد ترامپقا ۇلتتىق قاۋىپسىزدىككە قاتىستى كەڭەستەر بەرىپ وتىرعان، الايدا كەيىن بەلگىسىز سەبەپتەرمەن كوماندادان شىعىپ قالعان.

ەسكە سالايىق، وسىدان ەكى كۇن بۇرىن اقش پرەزيدەنتى فبب (FBI) باسشىسى دجەيمس كوميدى جۇمىسىنان بوساتقان.  دجەيمس كومي پرەزيدەنت سايلاۋى كەزىندە "دونالد ترامپتىڭ رەسەيمەن قاتىسى بولعان" دەگەن كۇدىكپەن جۇرگىزىلگەن قىلمىستىق زەرتتەۋ توبىنىڭ جەتەكشىسى بولعان. ال اقش-تا وتكەن پرەزيدەنت سايلاۋىندا ترامپتان جەڭىلگەن حيللاري كلينتون جاقتاستارى  دونالد ترامپ ءوزىنىڭ سايلاۋ كەزىندە رەسەيمەن بايلانىسىن جاسىرۋ ماقساتىندا وسىنداي قادامعا باردى دەپ مالىمدەدى.

The Guardian اگەنتتىگىنىڭ مالىمەتىنشە، دونالد ترامپ كوميدى بيۋرونى ءتيىمدى باسقارا المايدى دەگەن شەشىمگە كەلگەن.

“The Qazaq Times”