رەسەي امەريكادان تاركىلەنگەن ديپلوماتيالىق ورىندارىن سۇراپ وتىر

"فارس" اقپاراتتىق اگەنتتىگىنىڭ حابارلاۋىنشا، رەسەي سىرتقى ىستەر ءمينيسترىنىڭ ورىنباسارى سەرگەي ريابكوۆ ۋاشينگتوندا اقش مەملەكەتتىك حاتشىسىنىڭ كومەكشىسى توماس شەنونمەن كەزدەسكەن. ەكەۋارا وتكەن كەلىسسوزدە:"قارىم- قاتىناستى قالپىنا كەلتىرۋ ءۇشىن امەريكادا تاركىلەنگەن رەسەيدىڭ ديپلوماتيالىق ورىندارى قايتارىلۋى كەرەك" دەگەن ماسەلە كوتەرىلدى. 

امەريكانىڭ بۇرىنعى پرەزيدەنتى باراك وباما ۇكىمەتىنىڭ شارالارى ماسكەۋ مەن ۋاشينگتون قارىم- قاتىناسىندا تەكەتىرەستەردىڭ كۇشەيۋىنە سەبەپ بولدى» دەدى.

رەسەي مەن اقش سىرتقى ىستەر مينيسترلەرى سەرگەي لاۆروۆ پەن رەكس تيللەرسوننىڭ كەزدەسۋى قارساڭىندا، قوس جاقتى بايلانىستار ناشارلاعان ءۇش جىلدان كەيىن ماسكەۋ ۋاشينگتونمەن اراسىن جاقسارۋى ءۇشىن شارت قويدى.

امەريكانىڭ بۇرىنعى ۇكىمەتى 2016 جىلدىڭ جەلتوقسان ايىنىڭ اياق شەنىندە ۋاشينگتون مەن سان-فرانسيسكو قالاسىنداعى رەسەيدىڭ ديپلوماتيالىق ورتالىقتارىنىڭ 35 قىزمەتكەرىن «امەريكاداعى سايلاۋعا ارالاستى» دەپ ەلدەن قۋىپ، رەسەيگە تيەسىلى ديپلوماتيالىق يممۋنيتەتكە يە ەكى عيماراتتى تاركىلەدى.

امەريكاداعى پرەزيدەنت سايلاۋى الدىنداعى ساراپشىلاردىڭ "دونالد ترامپ پرەزيدەنت بولا سالا اقش پەن رەسەي اراسى تاريحتا بولماعان دارەجەدە جاقىنداسادى. تىپتەن وتە جاقىن وداقتارعا اينالادى" دەگەن بولجامى ءالى ىسكە اسپاي كەلەدى.

“The Qazaq Times”