![](https://qazaqtimes.com/kk/content/uploads/2017/05/photo_68975-800x480.jpg?token=2f8c303be498bfa44141044ad79e44fb)
7 مامىر - قازاقستان رەسپۋبليكاسىنىڭ وتان قورعاۋشىلار كۇنى. بۇل تاۋەلسىز ەلىمىزدىڭ وزىندىك قورعانىس قابىلەتى بار ەكەنىن بىلدىرەتىن مەرەكە. ەندەشە ەگەمەندى ەلىمىزدىڭ وتىن سوندىرمەي، قورعانىس جۇيەمىزدى بەكەم ۇستاپ كەلە جاتقان بارلىق قازاقستان ازاماتتارىن ءتول مەرەكەلەرىمەن قۇتتىقتايمىز!
بۇل كۇننىڭ مەرەكە رەتىندە اتالىپ وتۋىنە 1992 جىلدىڭ 7 مامىرىندا تاۋەلسىز ەلدىڭ زاڭدىق قۇقىقتارىنىڭ نەگىزدەرىنە جانە تاۋەلسىز مەملەكەتتەر دوستىعىنا قاتىسۋشى مەملەكەتتەر اراسىنا قول جەتكەن كەلىسىمدەرگە بايلانىستى قر پرەزيدەنتى ن.ءا.نازارباەۆتىڭ جارلىعى سەبەپ بولدى. بۇل جارلىق بويىنشا، قازاقستان اۋماعىنا ورنالاسقان قارۋلى كۇشتەر وزدەرىنىڭ مۇلىكتەرىمەن قوسا، رەسپۋبليكانىڭ قاراۋىنا ءوتتى. جوعارعى باس قولباسشى رەتىندە قارۋلى كۇشتەردى باسقارۋدى پرەزيدەنت ءوز موينىنا الىپ، العاشقى قورعانىس ءمينيسترى بولىپ گەنەرال-پولكوۆنيك س.نۇرماعانبەتوۆ تاعايىندالدى.
وسى جىلى قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆتىڭ جارلىعىمەن ءۇش جۇيەلى شتاب - جاياۋ اسكەرلەر، اۋە قورعانىسى كۇشتەرى مەن اسكەري-تەڭىز كۇشتەرىنىڭ باس شتابى بەكىتىلدى. اەروۇتقىر كۇشتەرگە جوعارعى باس قولباسشىنىڭ رەزەرۆى قۇزىرى بەرىلدى.
2001 جىلدان قازاقستان ورتالىق، وڭتۇستىك، باتىس جانە شىعىس بولىپ 4 اسكەري وكرۋگكە ءبولىندى. 2007 جىلعى اسكەري دوكترينادا مەملەكەتتىڭ اسكەري ۇيىمىن دامىتۋدىڭ نەگىزگى باعىتتارىنىڭ ءبىرى وڭىرلىك قولباسشىلىقتار اسكەرلەرىنىڭ بەلگىلەنگەن جاۋاپتىلىق ايماقتارىندا اسكەري قاۋىپسىزدىك مىندەتتەرىن شەشۋ ماسەلەلەرىندەگى ناقتى دەربەستىگىن قامتاماسىز ەتۋ جانە اسكەرلەردىڭ ستراتەگيالىق باعىتتارداعى جەتكىلىكتى توپتاستىقتارىن قۇرۋ بولىپ ايقىندالدى.