ماكروننىڭ پارتياسىنىڭ سەرۆەرىنە شابۋىل جاسالدى

فرانتسيادا پرەزيدەنتتىككە ۇمىتكەر ەممانۋەل ماكروننىڭ پارتياسىنىڭ سەرۆەرىنە ارنايى ۇيىمداستىرىلعان  حاككەرلىك توپتىڭ شابۋىل جاساعانى بەلگىلى بولدى.  

سايلاۋ شتابى وكىلدەرىنىڭ ايتۋىنشا، بەلگىسىز حاككەرلەردىڭ ماقساتى – پرەزيدەنت سايلاۋىنىڭ ەكىنشى كەزەڭىندە ەلدەگى ساياسي احۋالعا ىقپال ەتۋ بولىپ وتىر. بۇگىندە پرەزيدەنتتىككە ماكرونعا قارسىلاس رەتىندە مارين لە پەن سايلاۋعا تۇسكەن. ال جالپى داۋىس بەرۋ 7 مامىر كۇنى وتكىزىلەدى.

ماكروننىڭ پارتياسى وكىلدەرىنىڭ  ءوزارا حات الماسقان، اقىلداسقان 9 گيگابايت اقپارات ۇرلانىپ، pastebin.com سايتىنا جاريالانعان بولاتىن.

سەرۆەرگە شابۋىل بارىسىندا پارتيانىڭ قۇجاتتارى مەن جەكە اقپاراتتارى دا ۇرلانعان.

سونىمەن قوسا، شىنايى قۇجاتتارمەن ىرىتكى سالۋ ماقساتىندا جالعان قۇجاتتار مەن اقپاراتتار دا سايتقا جۇكتەلگەندىگى ايتىلۋدا.

"The Qazaq Times"