Эммануель Макрон, президент сайлауы Фото: atrl.net

Францияда президенттікке үміткер Эммануэль Макронның партиясының серверіне арнайы ұйымдастырылған  хаккерлік топтың шабуыл жасағаны белгілі болды.  

Сайлау штабы өкілдерінің айтуынша, белгісіз хаккерлердің мақсаты – президент сайлауының екінші кезеңінде елдегі саяси ахуалға ықпал ету болып отыр. Бүгінде президенттікке Макронға қарсылас ретінде Марин Ле Пен сайлауға түскен. Ал жалпы дауыс беру 7 мамыр күні өткізіледі.

Макронның партиясы өкілдерінің  өзара хат алмасқан, ақылдасқан 9 гигабайт ақпарат ұрланып, pastebin.com сайтына жарияланған болатын.

Серверге шабуыл барысында партияның құжаттары мен жеке ақпараттары да ұрланған.

Сонымен қоса, шынайы құжаттармен іріткі салу мақсатында жалған құжаттар мен ақпараттар да сайтқа жүктелгендігі айтылуда.

"The Qazaq Times"