جەر سەرىكتەرى فوتو: vladtime.ru

SpaceX كومپانياسى ينتەرنەتتىڭ جىلدامدىعىن ارتتىرىپ جانە بارشاعا قولجەتىمدى ەتۋ ءۇشىن ارنايى جەر سەرىكتەرىن ۇشىرماق. كومپانيانىڭ مەملەكەتتىك ىستەر جونىندەگى ۆيتسە-پرەزيدەنتى پاتريسيا كۋپەردىڭ مالىمدەمەسىنە سايكەس العاشقى جەر سەرىكتەرىن  ۇشىرۋ 2019 جىلعا جوسپالانعان.

CNBC ارناسىنىڭ حابارلاۋىنشا، SpaceX  4425 جەر سەرىكتەرىن ۇشىرۋدى كوزدەپ وتىر، بىراق ناقتى قاي ۋاقىتقا ەكەندىگى ازىرگە ايتىلمادى.

كۋپەر اقش سەنات كوميتەتىنىڭ ساۋدا، عىلىم، كوممۋنيكاتسيا ماسەلەلەرى بويىنشا وتىرىسىندا: «كومپانيا وسى جىلدىڭ سوڭىنا تامان العاشقى جەر سەرىكتەرىن تەستىلەۋدى باستايدى. ال تاعى ءبىر ءپروتوتيپى 2018 جىلعا جوسپارلانعان. قالعان جەر سەرىكتەرى كەزەگىمەن 2024 جىلعا دەيىن ۇشىرىلىپ وتىراتىن بولادى» - دەدى.

SpaceX بۇل جۇيەنى Falcon 9 عارىش كەمەسىنىڭ بورتىنا ورنالاستىرماق. بۇل شىعىندى ازايتىپ، العاشقى جۇيەنى قايتا پايدالانۋعا مۇمكىندىك بەرەدى.

تەلەارنانىڭ مالىمەتىنشە، 4425 جەر سەرىكتەرى 83 ءوربيتالدى جولاقتاردا 1110-نان 1325 شاقىرىم بيىكتىككە ۇشىرىلماق.

"The Qazaq Times"