جاپونيانىڭ اپات بولعان «فۋكۋسيما-1» اتوم ەلەكتر ستانتسياسىنىڭ ماڭايىنداعى ورمان ءورتى ءورشىپ بارادى دەپ حابارلايدى جەرگىلىكتى NHK تەلە ارناسى.

NHK تەلە ارناسىنىڭ مالىمەتىنشە جاپونيانىڭ سولتۇستىك-شىعىسىنداعى 20 گەكتار ورمان ورتكە ورانعان. قازىر وقيعا ورىنىندا قىزىل جالىننىڭ الدىن الۋ ءۇشىن تىكۇشاق، ءورت قاۋىپسىزدىگىنىڭ 240 ادامى جانە جاپونيانىڭ ءوزىن-ءوزى قورعاۋ اسكەري كۇشتەرى جۇمىس ىستەپ جاتىر.

ورتكە ورانعان ورمان ناميە اۋىلىنىڭ جانىندا ورنالاسقان. بۇل اۋىلدان «فۋكۋسيما-1» اەس اپات بولعانان كەيىن رادياتسيانىڭ شامادان تىس بولۋىنا بايلانىستى جەرگىلىكتى تۇرعىندار قاۋىپسىز ايماقتارعا كوشىرىلگەن.

ەستەرىڭىزگە سالايىق جاپونيادا 2011 جىلى جويقىن جەر سىلكىنىسىنىڭ سالدارىنان «فۋكۋسيما-1» اتوم ەلەتر ستانتسياسىندا اپات بولىپ،  2013 جىلى جاپونيا بيلىگى ستانتسيانى جاپقان بولاتىن.

“The Qazaq Times”