اقش بومبالاۋشى ۇشاعى كورەي تۇبەگىنەن ۇشىپ ءوتتى

اقش ورتالىق بارلاۋ باسقارماسىنىڭ باستىعى وڭتۇستىك كورەياداعى ءۇش كۇندىك ساپارىن اياقتادى. اقش وڭتۇستىك كورەياعا زىمىرانعا قارسى جۇيەنى ورناتۋ ءىسىنىڭ جەدەلدەتىلگەنىن مالىمدەدى. سولتۇستىك كورەيا ءبىر كۇن بۇرىن اقش-تىڭ ەكى شابۋىلشى ۇشاعى مەن دىبىستان جىلدام ۇشاتىن بومبالاۋشى ۇشاعىنىڭ كورەي تۇبەگى كەڭىستىگىندە ۇشىپ وتكەنىنە قاراتا ەسكەرتۋ جاسادى.

سولتۇستىك كورەيا ورتالىق اقپاراتتىق اگەنتتىگى اقش ۇشاقتارىنىڭ كورەي تۇبەگى كەڭىستىگىندە ۇشىپ وتكەنىن ايىپتاعان حابار تاراتتى. وندا: «اقش بومبىلاۋشى ۇشاقتارىنىڭ كورەي تۇبەگى كەڭىستىگىندە ۇشىپ ءوتۋى، ترامپ باستاعان امەريكالىق سوعىس قۇمارلاردىڭ سولتۇستىك كورەيانىڭ يادرولىق قارۋ قۋاتىن كورە الماۋشىلىعى»، – دەلىندى.

اقش-تىڭ «ابايسىزدا» جاساعان اسكەري قادامى كورەي تۇبەگى سوعىس قاۋپىنىڭ تيەگىن اعىتا جازدادى. سولتۇستىك كورەيا قارۋلى كۇشتەرى شۇعىل اقش اسكەري كۇشتەرىنىڭ قيمىل-قوزعالىسىن اڭدۋعا ءوتتى. ءتىپتى يادرولىق قارۋ قولدانۋدىڭ ورايىن دا باعىپ وتىر دەۋگە بولادى. سولتۇستىك كورەيا باق-ى اقش-تىڭ مۇنداي قادامدارىنا ەسكەرتۋلەرىن جيىلەتە باستادى.

“The Qazaq Times”