فوتو: The Wall Street Journal

سولتۇستىك كورەيانىڭ رەسمي باسىلىمدارىندا قىتايعا قاراتا وتكىر ايىپتاۋلار جاريا ەتىلدى. وندا قىتاي ۇكىمەتىن «ەكىجۇزدى جانە ساتقىن» دەپ ايىپتاعان. وسىدان بۇرىن بەيجىڭ تارابى سولتۇستىك كورەيانىڭ يادروسىزداندىرۋدى قولدايتىندىعىن بىلدىرگەن بولاتىن.

“The Wall Street Journal” باسىلىمىنىڭ حابارلاۋىنشا، سولتۇستىك كورەيا ۇكىمەتى تاراتقان ايىپتاۋ قحر-قحدر قاتىناسىنا ۇلكەن توقىراۋ الىپ كەلمەك. دەسە دە سولتۇستىك كورەيا بۇل كەلىسپەۋشىلىكتىڭ باستى سەبەبى، بەيجىڭ تارابىنىڭ سولتۇستىك كورەيانىڭ يادرولىق باعدارلاماسىنا كيلىگۋى دەپ سانايدى. اتالعان ايىپتاۋ سوزىندە: «قىتاي جاق سولتۇستىك كورەيا مەن قىتاي قارىم-قاتىناسىنا سىزات سالاتىن مۇنداي ەكى ءجۇزدى ساياساتىنىڭ اۋىر زارداپ تۋدىراتىنىن الدىن الا ويلاستىرۋى كەرەك»، – دەلىنگەن.

ەستەرىڭىزدە بولسا اقش ۇكىمەتىنىڭ باستاماسىمەن بۇۇ قاۋىپسىزدىك كەڭەسىنىڭ نيۋ-يوركتە وتكەن ماجىلىسىندە سولتۇستىك كورەياعا قاراتا بارلىق ەلدەردىڭ قىسىم جاساۋى تۋرالى ءسوز بولعان ەدى. ال، بۇل رەتكى ايىپتاۋ قحدر-نىڭ قىتايعا عانا ەمەس اقش، سونداي-اق بۇۇ قاۋىپسىزدىك كەڭەسىنە مۇشە ەلدەردىڭ سولتۇستىك كورەيانىڭ يادرولىق باعدارلاماسىنا جاساعالى وتىرعان قىسىمىنا الدىن الا ەسكەرتۋى بولىپ سانالادى.

سولتۇستىك كورەيا ۇكىمەتىنىڭ جاساعان ايىپتاۋىندا كورسەتىلۋىنشە، ەگەر كورەيا يادرولىق باعدارلاماسىن توقتاتپاسا، وندا قىتاي جاعى ءبىرىنشى بولىپ سولتۇستىك كورەياعا اسكەري سوعىس قوزعاماق ەكەن. نەمەسە قىرعي-قاباقتىق قاتىناس ورناپ، ساياسي وداقتاس ءارى جاقىن كورشى ەكى ەل اراسىنداعى قارىم-قاتىناس ءبىرجولاتا توقىرايدى دەلىنگەن.

اقش سولتۇستىك كورەيانىڭ يادرولىق باعدارلاماسىنان باس تارتۋىنا بىردەن-ءبىر دىلگىر بولىپ وتىرعان ەل. ونىڭ ازيانىڭ شىعىسىنداعى جاساعان اسكەري ارەكەتتەرى ءازىردىڭ وزىندە ءوڭىردىڭ قاۋىپسىزدىگىنە ايتارلىقتاي قاتەر ءتوندىرىپ تۇر. وزىنە قارسى ايىپتاۋلاردىڭ ۇدەپ كەتپەسى ءۇشىن جاقىندا اقش ۇكىمەتى حابارلاما جاريالاپ، وزدەرىنىڭ ازياداعى اسكەري ارەكەتىنىڭ قىتايعا ارنالماعانىن قايتالاي ەسكەرتتى. مۇنىسى سولتۇستىك كورەياعا قارسى قىتايدى وزىنە وداقتاس رەتىندە تارتقانداعىسى.

كورەي تۇبەگى ءىسى ۋشىعىپ، اقش، كورەيا، جاپونيا قاتارلى ەلدەر تىكەلەي سولتۇستىك كورەيانى جاقتاۋشى ەلدەردىڭ بارىنە قىسىم كورسەتىپ، نەمەسە اسكەري كۇشكە پارمەن بەرەتىن بولسا، قىتايدىڭ سولتۇستىك كورەيانى جاقتامايتىنى و باستان بەلگىلى بولدى. قىتاي مۇددەسىنە ساياتىن جەردە بەيجىڭ كىمدى دە بولسا قۇرباندىققا شالۋعا دايىن. بۇل  “The Wall Street Journal” باسىلىمىنىڭ بىلدىرگەن كوزقاراسى.

“The Qazaq Times”