عالىمدار سمارتفوننىڭ كومەگىمەن قانت ديابەتىن ەمدەيتىن ءادىس ويلاپ تاپتى

قىتاي جانە شۆەيتساريا عالىمدارى قانداعى قانت دەڭگەيىن انىقتاپ وتىراتىن ءموبيلدى قوسىمشا جاساپ شىعاردى. زەرتتەۋ ناتيجەلەرى Science Translational Medicine باسىلىمىندا جاريالانعان.

بيولوگتار قانت ديابەتىنە شالدىققان بۇلشىق ەتكە تاجىريبە جاساعان بولاتىن. زەرتتەۋ بارىسىندا كەمىرگىشتەردىڭ اعزاسىنا قانداعى گليۋكوزا مولشەرىن رەتتەپ وتىراتىن ينسۋلين مەن باسقا دا گورموندار  ەنگىزىلگەن. جاسۋشالار الىستاعى قىزىل تۇسپەن بەلگىلەنگەن بەلگىلى ءبىر قاشىقتىقتاعى تولقىنداردىڭ اسەرىنەن قاجەتتى زاتتاردى وندىرە باستايدى.

يمپلانتاتسياعا قاجەتتى جاسۋشالار مەن قىزىل ءتۇستى ديودتار  گيدروگەل قابىقشاسىنا ورنالاستىرىلادى. سمارتفونداعى قوسىمشانى  قولدانا وتىرىپ، زەرتتەۋشىلەر سول ارقىلى جاسۋشالاردا وندىرىلەتىن گورمونداردىڭ مولشەرىن انىقتاپ جانە ساۋلەلەنۋ قارقىندىلىعى مەن ۇزاقتىعىنا  مونيتورينگ جاساپ وتىرعان.

وسى جارتىلاي اۆتوماتتاندىرىلعان جۇيەنىڭ ارقاسىندا قانداعى جانە بۇلشىق ەتتەردەگى گليۋكوزا دەڭگەيى قالىپتى دەڭگەيدە ساقتالعان.

عالىمداردىڭ پىكىرىنشە، جاسۋشالاردىڭ ترانسپلونتاتسياسىنا نەگىزدەلگەن بۇل تەحنالوگيا ديابەتتى ەمدەۋدە ۇلكەن مۇمكىندىكتەردى اشىپ وتىر.

“The Qazaq Times”