"Amazon Go" دەپ اتالاتىن سيەتلداعى (Seattle) امبەباپ دۇكەن تۇتىنۋشىلاردىڭ سورەدەن قانداي تاۋاردى الىپ نەمەسە ورنىنا قويعانىن باقىلايتىن كامەرالار مەن سەنسورلار جۇمىسىنا نەگىزدەلگەن. كاسسا نەمەسە تەكسەرىس تەرمينالدارىنىڭ قاجەتى جوق: تۇتىنۋشىنىڭ ەسەپشوتىنان دۇكەننەن شىققاندا قاجەتتى سومما اۆتوماتتى تۇردە الىنادى، - دەپ حابارلايدى The Guardian باسىلىمى.

ساۋدانى باستاۋ ءۇشىن تۇتىنۋشى دۇكەننىڭ موبيلدىك قوسىمشاسىن سكانەردەن وتكىزۋ كەرەك.

دۇكەننەن تاۋار قۇنىن تولەمەي شىعۋعا ارەكەت جاساعان ادامنىڭ شوتى نەمەسە سوعان بايلانىستىرىلعان ەسەپشوت بلوكقا ءتۇسىپ قالادى. تۇتىنۋشى العان تاۋارىن ورنىنا قايتارسا، تاۋار ونىڭ ۆيرتۋالدى سەبەتىنەن دە الىنادى.

وسىنداي دۇكەن 2016 جىلدىڭ جەلتوقسانىندا "Amazon.com" كومپانياسىنىڭ قىزمەتكەرلەرى ءۇشىن تەست-رەجيمدە اشىلعان بولاتىن.بىراق بولاشاقتا "Amazon Go " دۇكەندەر جەلىسىنە اينالا ما، جوق پا - بەلگىسىز.

“The Qazaq Times”